საქართველოს პრემიერ-მინისტრის სპეციალური წარმომადგენელის რუსეთთან ურთიერთობის საკითხებში, ზურაბ აბაშიძის განცხადებით, 2008 წლის ომთან დაკავშირებით რუსეთსა და საქართველოს შორის რადიკალურად განსხვავებული პოზიციებია.

თუმცა, ამავე დროს, აბაშიძემ ამბობს, რომ „ნაციონალური მოძრაობის“ ხელისუფლებას გაუაზრებელი პოლიტიკის გატარების გამო, ბოდიში აქვს მოსახდელი.

„საყოველთაოდ ცნობილია, რომ რუსეთსა და ჩვენს პოზიციებში 2008 წლის ომთან დაკავშირებით რადიკალური სხვაობაა. კერძოდ იმაზე, თუ ვინ დაიწყო ეს ომი. საერთაშორისო თანამეგობრობისთვის ცნობილია, რომ ეს იყო აგრესია, რასაც მოჰყვა ოკუპაცია, თუმცა ისიც ცნობილია, რომ არც ჩვენმა ხელისუფლებამ დააკლო თავისი პოლიტიკით არაფერი იმისთვის, რათა მომხდარიყო ერთ-ერთი უდიდესი კატასტროფა უახლეს ისტორიაში. ჩვენ იმდენი დავმთმეთ 2008 წლის შემდეგ, რომ დასათმობი არაფერი დარჩა. რეალურად, საქართველოს უახლეს ისტორიაში უდიდესი კატასტროფა მოხდა. ქვეყანა, ფაქტობრივად, დაიშალა. ეს ხშირად უნდა გავიმეოროთ, რათა აღარ ვახსენოთ ისეთი სიტყვები, როგორიცაა მაამებლობა, დათმობა და ა.შ. ეს არის შედეგი რბილად რომ ვთქვათ, იმ გაუაზრებელი პოლიტიკისა, რაც იმ ხელისუფლებამ გაატარა, რისთვისაც არავის ბოდიშიც არ მოუხდია დღემდე. ზრდილობის გამოც კი არ მოუხდიათ ბოდიში“,- აღნიშნა აბაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა