კომპანია „თელასის“ ფინანსური მენეჯერის ნიკა ლომინაძის მამის ნოდარ ლომინაძის განცხადებით, მკვლელობაში ბრალდებული გიორგი გვიჩიანი და მასთან ერთად დაკავებული პირები დამნაშავეები არიან.

ნოდარ ლომინაძის შეფასებით, საქმეში ბრალდებული გიორგი გვიჩიანი და ნიკა ჩემია უვადო პატიმრობას იმსახურებენ. 

„ჩემი აზრით, იმსახურებენ იმ სასჯელს, რომელიც თავიდან ჰქონდათ, მკვლელობისთვის განსაკუთრებულად. გაუგებარია პროკურატურის როლი ამ საქმეში. თითქოს ახალი რაღაც აღმოაჩინეს. ვერ გავიგე რა მოხდა. ვიცი, რომ გაათავისუფლეს დამნაშავე და ახლა იტყვიან, რომ ჩვენ გამოვიძიებთ სინამდვილეში რა მოხდაო. ანუ შემოდებენ თაროზე და იქნება მანამ, სანამ იქ არიან. მერე გადააგდებენ“, - აღნიშნა ლომინაძემ. 

ცნობისთვის, „თელასის“ ფინანსური დირექტორის ნიკა ლომინაძის მკვლელობაში ბრალდებულები გიორგი გვიჩიანი და ნიკა ჩემია, სააპელაციო სასამართლომ 11-წლიანი სასჯელის მოხდის შემდეგ, დარბაზიდან გაათავისუფლა. 

შეგახსენებთ, რომ 2006 წლის 15 აგვისტოს „თელასის” ფინანსური მენეჯერის ნიკა ლომინაძის მკვლელობის საქმეზე გიორგი გვიაჩიანსა და ნიკა ჩემიას მიმართ გამამტყუნებელი განაჩენი გამოიტანეს.  თავდაპირველად, ბრალდებულებს უვადო პატიმრობა ჰქონდათ მისჯილი, ხოლო შემდეგ, სასჯელის ზომა 20-წლიანი პატიმრობით შეეცვალათ.


 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა