სახალხო დამცველმა უჩა ნანუაშვილმა იმედი გამოთქვა, რომ "რუსთავი 2" მაუწყებლობას მალე გააგრძელებს. 

როგორც ნანუაშვილმა აღნიშნა, მედიასაშუალებები უნდა იყვნენ მრავალფეროვანი და კრიტიკულები.

"აუცილებელია, ნებისმიერმა მედიასაშუალებამ თავისუფლად იმოქმედოს. მედიასა შუალებები უნდა იყვნენ მრავალფეროვანი, კრიტიკულები, იმედი მაქვს, "რუსთავი 2" მალე გააგრძელებს მაუწყებლობას და იქნება დამოუკიდებელი და კრიტიკული, როგორიც იყო წლების განმავლობაში",- განაცხადა უჩა ნანუაშვილმა.

ომბუდსმენის შეფასებით, საქართველოში მედიის თავისუფლების კუთხით არსებობს გამოწვევები. მისივე თქმით, ეს მხოლოდ "რუსთავი 2"-ს არ ეხება და ამაზე მიანიშნებს საზოგადოებრივ მაუწყებელში განვითარებული მოვლენებიც.

შეგახსენებთ, რომ ტელეკომპანია "რუსთავი 2"-მა მაუწყებლობა შეწყვიტა. შესაბამისი გადაწყვეტილება საინფორმაციო გამოშვების წამყვანმა ზაალ უდუმაშვილმა პირდაპირ ეთერში გამოაცხადა. როგორც მან აღნიშნა, ტელეკომპანიამ გადაწყვეტილება საკუთარი უფლებების დასაცავად მიიღო. 

რამდენიმე დღის წინ, არხის დირექტორმა გვარამიამ განაცხადა, რომ კვირას ტელეკომპანიის თანამშრომლები არხის და სიტყვის თავისუფლების დასაცავად აქციას 14:30 საათზე მოაწყობენ. ტელეკომპანია "რუსთავი 2"-ის წილებზე სამართლებრივი დავა მეორე წელია მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა