პარლამენტის ვიცე-სპიკერის გია ვოლსკის განცხადებით, მას "რუსთავი-2"-ის საქმესთან დაკავშირებით პოლიტიკურ თემებზე მეტად სამართლებრივი საკითხები აინტერესებს.

როგორც ვოლსკიმ განმარტა, აღნიშნულს მედიაში ნაკლები ყურადღება ექცევა.

"ხალვაშს დაუწვეს ქონება, გააქციეს გერმანიაში, სადაც პოლიტიკური თავშესაფარი მიიღო. იქნებ მართალია ხალვაში? ან იქნებ ყარამანაშვილია მართალი", - განაცხადა ვოლსკიმ.

ვიცე-სპიკერი მიიჩნევს, რომ სასამართლომ ისეთი გადაწყვეტილება უნდა მიიღოს, რათა საზოგადოებაში არსებულ ყველა კითხვას პასუხი გაეცეს.

ამასთან, ფრაქცია "ქართული ოცნების" თავმჯდომარე მამუკა მდინარაძეს შეფასებით, ნიკა გვარამია ტელევიზიების გათიშვის დიდოსტატია.

”მას ალბათ ეგონა, რომ ვინმე შეუვარდებოდა, დახურავდა, გათიშავდა. ეს მოლოდინი არ გაუმართლდა და თვითონ გააკეთა ეს ყველაფერი”, - აღნიშნა მდინარაძემ.

შეგახსენებთ, რომ ტელეკომპანია "რუსთავი 2"-მა მაუწყებლობა შეწყვიტა. შესაბამისი გადაწყვეტილება საინფორმაციო გამოშვების წამყვანმა ზაალ უდუმაშვილმა პირდაპირ ეთერში გამოაცხადა. როგორც მან აღნიშნა, ტელეკომპანიამ გადაწყვეტილება საკუთარი უფლებების დასაცავად მიიღო. 

რამდენიმე დღის წინ, არხის დირექტორმა გვარამიამ განაცხადა, რომ კვირას ტელეკომპანიის თანამშრომლები არხის და სიტყვის თავისუფლების დასაცავად აქციას 14:30 საათზე მოაწყობენ. ტელეკომპანია "რუსთავი 2"-ის წილებზე სამართლებრივი დავა მეორე წელია მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა