კონსტიტუციონალისტ ვახუშტი მენაბდის განცხადებით, მაჟორიტარული სისტემა უნდა გაუქმდეს და დეპუტატების პროპორციული წესით არჩევა უნდა დაწესდეს.

როგორც მენაბდემ ჟურნალისტებს საკონსტიტუციო კომისიის სხდომის დაწყებამდე  განუცხადა, დღეს მოქმედი სისტემა ერთი პოლიტიკური ჯგუფის ხელში ძალაუფლების კონსოლიდირებას უწყობს ხელს.

„ამ პოლიტიკურ ლანდშაფტში რაც დღეს გვაქვს, მაჟორიტარული სისტემა მხოლოდ ხელს უწყობს იმას რომ ძალაუფლების კონსოლიდირება მოხდეს ერთი პოლიტიკური ჯგუფის ხელში. თუ ჩვენ გვინდა, რომ საზოგადოებრივი განწყობები ერთის მხრივ ავსახოთ, ხოლო მეორეს მხრივ მაქსიმალურად დაბალანსებული პარლამენტი მივიღოთ, უნდა გადავიდეთ ასორმოცდაათივე  დეპუტატის პროპორციული წესით არჩევაზე“,-განაცხადა მენაბდემ. 

რაც შეეხება, 5%-იან  საარჩევნო ბარიერს, კონსტიტუციონალისტის თქმით, ბარიერი   უნდა შემცირდეს, რათა წარმომადგენლობის პრობლემა პარლამენტში აღარ იყოს.

„პარლამენტის საარჩევნო სისტემა არის ერთ-ერთი უმთავრესი საკითხი, რომელიც უნდა გადაჭრას მოქმედმა საკონსტიტუციო კომისიამ. ჩვენ თუ შევინარჩუნეთ 5%-იანი ბარიერი ეს კვლავ  დაგვაყენებს წარმომადგენლობის პრობლემის წინაშე. ამიტომ ბარიერი უნდა დავწიოთ“,-განაცხადა ვახუშტი მენაბდემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის XI ნაკადის გადამზადება დაიწყო

საქართველოს ბანკმა აზიის განვითარების ბანკისგან საერთაშორისო ჯილდო მოიპოვა

პროტესტის შემდეგ, ოცნებამ ჩასაბარებელი ყურძნის ფასი გააძვირა