ევროპულ საბჭოში საგარეო საქმეთა მინისტრების შეხვედრა მიმდინარეობს. ევროპარლამენტის გადაწყვეტილებას, საქართველოს მოქალაქეებისთვის უვიზო მიმოსვლის რეჟიმის შემოღების თაობაზე, ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში ფედერიკა მოგერინი გამოეხმაურა.

მან იმედი გამოთქვა, რომ ვიზალიბერალიზაციის  პროცესი  საბოლოოდ მალე დასრულდება.

„ძალიან დიდი იმედი მაქვს, რომ რაც შეიძლება სწრაფად დავასრულებთ პროცესს არა მარტო საქართველოსთვის, არამედ უკრაინისთვის“,-აღნიშნა ფედერიკა მოგერინიმ.

საქართველოს მოქალაქეებისთვის უვიზო მიმოსვლის რეჟიმის შემოღებას მხარი  ევროპარლამენტში  553 დეპუტატმა დაუჭირა, წინააღმდეგი - 66 დეპუტატი იყო, ხოლო 28 წევრმა თავი შეიკავა კენჭისყრაში მონაწილეობისგან.

შემდგომი პროცედურის თანახმად, განახლებულ რეგულაციას  ევროკავშირის საბჭო დაამტკიცებს.

ევროპარლამენტის პრეზიდენტისა და ევროკავშირის საბჭოს თავმჯდომარე ქვეყნის წარმომადგენლის მიერ ცვლილებების ფორმალური ხელმოწერის შემდეგ რეგულაცია გამოქვეყნდება ოფიციალურ ჟურნალში და საქართველოს მოქალაქეებისთვის უვიზო მიმოსვლის რეჟიმი ამოქმედდება  შეჩერების მექანიზმთან დაკავშირებული განახლებული რეგულაციის ძალაში შესვლასთან ერთად.

სავიზო რეჟიმის ლიბერალიზაციის შემდეგ საქართველოს მოქალაქეებს უვიზოდ მოგზაურობა შეეძლებათ  შენგენისა და ევროკავშირის წევრ 30 ქვეყანაში, გარდა დიდი ბრიტანეთისა და ირლანდიისა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თალიბანის პოლიციამ ცეცხლი გაუხსნა „ჰიჯაბის არასათანადო “ ტარების გამო ქალების დაპატიმრების წინააღმდეგ გამართული საპროტესტო აქციას

Axios-ის ცნობით, ირანმა თავს დაესხა აშშ-ის ბაზებს ბაჰრეინში, ქუვეითსა და იორდანიაში.

აშშმ ირანი დაბომბა, თიერანმა ბაზების დაბომბვით უპასუხა

უკრაინაში რუსული არმია დღეში 300 ადამიანს კარგავს