საქართველოს ფისკალური პოლიტიკისა და ევროკავშირის პრაქტიკასთან მის თავსებადობაზე საჯარო შეხვედრა 21 იანვარს, ბორჯომში გაიმართა.

ფინანსთა სამინისტროს ინფორმაციით, შეხვედრის ორგანიზატორი იყო საქართველოს ფინანსთა სამინისტრო. მას სამცხე-ჯავახეთისა და შიდა ქართლის მუნიციპალიტეტების (ბორჯომის, ადიგენის, ასპინძის, ახალქალაქის, ახალციხის, ქარელის, ხაშურის) და არასამთავრობო ორგანიზაციების (არასამთავრობო ორგანიზაცია „სამართლიანი არჩევნებისა და დემოკრატიის საერთაშორისო საზოგადოება") წარმომადგენლები დაესწრნენ.

საჯარო შეხვედრაზე პრეზენტაცია ჩაატარა და აუდიტორიის შეკითხვებს საქართველოს ფინანსთა სამინისტროს საბიუჯეტო დეპარტამენტის უფროსმა, ეკატერინე გუნცაძემ უპასუხა.

განსაკუთრებული ყურადღება გამახვილდა ფისკალური პოლიტიკისა და მართვის ძირითად პრინციპებსა და მის მნიშვნელობაზე, აგრეთვე მუნიციპალიტეტების და სამოქალაქო საზოგადოების როლზე ქვეყნის ფისკალური პოლიტიკის წარმართვის პროცესში, ამ მიმართულებით საზოგადოების ცნობიერების ამაღლების და მოქალაქეთა ჩართულობის გაზრდის მნიშვნელობაზე.

 ფისკალური პოლიტიკისა და მართვის ძირითადი პრინციპებისა და ქვეყნის ფისკალური პოლიტიკის ევროკავშირის პრაქტიკასთან თავსებადობის გასაცნობად მომდევნო შეხვედრა 24 იანვარს რუსთავის მერიაში ჩატარდება. მასზე დასწრებას ყველა დაინტერესებული პირი შეძლებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ