ფრაქცია „ქართული ოცნების“ თავმჯდომარის  მამუკა მდინარაძის შეფასებით, მანანა კობახიძემ უნდა უზრუნველყოს მაქსიმალური მიუკერძოებლობა, ობიექტურობა, რათა მისი მოსამართლეობა მუდმივი პოლიტიკური სპეკულირების საგანი არ გახდეს.

„ვფიქრობთ, ის იქნება ერთ-ერთი წარმატებული მოსამართლე, თავისი პროფესიონალიზმით გამორჩეული, ასევე ის უზრუნველყოფს და ვალდებულია უზრუნველყოს, მაქსიმალური ობიექტურობა, რათა არ დარჩეს ვინმეს კითხვის ნიშნები და არ იყოს მისი მოსამართლეობა მუდმივი სპეკულირების საგანი. ამის გარანტიები რომ არ არსებობდეს, ამ შემთხვევაში ჩვენ ასეთ გადაწყვეტილებას არ მივიღებდით. ეს იყო ყველაზე ოპტიმალური გადაწყვეტილება, რადგან ის ყველაზე მაღალი ალბათობით მოიპოვებს უმრავლესობის მხარდაჭერას. კანონით გათვალისწინებული არანაირი ინტერესთა კონფლიქტი აქ არ იკვეთება, შესაბამისად, კანონის ყველა წესით დადგენილი პროცედურით იქნება მისი არჩევა უზრუნველყოფილი“, - აღნიშნა მამუკა მდინარაძემ.

მამუკა მდინარაძის ინფორმაციით, ფრაქცია „ქართული ოცნება“ მანანა კობახიძის კანდიდატურას პარლამენტს დღეს წარუდგენს, ეს საკითხი კომიტეტებს 1 კვირაში გადაეცემათ. ამის შემდეგ კი, პლენალურ სხდომაზე განიხილავენ.  

შეგახსენებთ, ფრაქცია „ქართული ოცნება“ საკონსტიტუციო სასამართლოს მოსამართლის თანამდებობაზე მანანა კობახიძის კანდიდატურაზე შეჯერდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”

კახა კალაძე მოსულ ინტენსიურ ნალექზე: პრობლემურ ლოკაციებზე იმყოფებოდნენ შესაბამისი სამსახურები და ყველა პრობლემა აღმოიფხვრება