2017-01-04 09:48:44, 1051 ნახვა
საზოგადოება
პრემიერი პატრიარქს დაბადების დღეს ულოცავს
საქართველოს პრემიერ-მინისტრი გიორგი კვირიკაშვილი კათოლიკოს-პატრიარქ ილია მეორე დაბადების დღეს ულოცავს და მას დიდხანს სიცოცხლეს უსურვებს:
„უდიდესი სიყვარულით და პატივისცემით ვულოცავ დაბადების დღეს მის უწმინდესობას, სრულიად საქართველოს კათალიკოს-პატრიარქს ილია მეორეს.
მთელი მისი მოღვაწეობა ერისა და სამშობლოს სამსახურისთვის არის მიძღვნილი. ის ჩვენთვის ყოველთვის იყო და არის თავმდაბლობის, სულგრძელობისა და მოთმინების, მიმტევებლობისა და მოყვასისადმი სიყვარულის მაგალითი.
ვუსურვებ მას დიდხანს სიცოცხლესა და ჯანმრთელობას ჩვენი სამშობლოს საკეთილდღეოდ“,-ნათქვამია პრემიერის მისალოც წერილში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
