"პირდაპირი მნიშვნელობით დანაშაული იქნება, რომ საქართველომ, რომელიც   მსოფლიოში ჰიდრორესურსების მიხედვით უმდიდრესი ქვეყანაა, ადგილზე ჰიდროელექტროსადგურების მშენებლობა და ელექტროენერგიის გამომუშავება ვერ მოახერხოს,-ამის შესახებ საქართველოს პრემიერ-მინისტრმა ირაკლი ღარიბაშვილმა "ექსპრესნიუსის" კითხვაზე საპასუხოდ განაცხადა, რომელიც ჰესების მშენებლობის გარემოზე ზემოქმედებასთან დაკავშირებით, გარემოს დაცვის სამინისტროსგან მეტი განმარტების გაკეთებას ეხებოდა.

ირაკლი ღარიბაშვილმა გარემოს დაცვისა და ენერგეტიკის სამინისტროებს ჰესების მშენებლობასთან დაკავშირებით, მეტი  განმარტების გაკეთებისკენ მოუწოდა.

„გეტყვით, რომ ენერგოდამოუკიდებლობა ქვეყნისთვის ძალიან მნიშვნელოვანია, ჩვენთვის ერთ–ერთი მთავარი პრიორიტეტი ეს უნდა იყოს, ჩვენი ქვეყნის ენერგოდამოუკიდებლობა. იმ ადამიანებს, რომლებიც სკეპტიკურად უყურებენ ჰესების მშენებლობას, რომლებიც არც გარემოს არ აზიანებს და მითუმეტეს არც მოქალაქის უფლებებს არ არღვევს, მე მინდა მათთვის ვთქვა კიდევ, ჩვენ თუ ფორსირებულად  არ ავაშენეთ ჰესები, პატარა, საშუალო, დიდი სიმძლავრის ჰესები, ჩვენ სულ რაღაც 1–2 წელიწადში მოგვიწევს 1 მილიარდი ლარის ღირებულების ელექტროენერგიის შესყიდვა უცხოეთიდან, ეს იქნება დანაშაული პირდაპირი მნიშვნელობით, რომ საქართველო, რომელიც არის უმდიდრესი მსოფლიოში ჰიდრორესურსების მიხედვით, საქართველომ ვერ მოახერხოს ადგილზე ჰიდროელექტროსადგურების მშენებლობა და ელექტროენერგიის გამომუშავება, ეს იქნება დანაშაული, მე არ ვაპირებ, როგორც მთავრობის მეთაურმა ეს პასუხისმგებლობა ავიღო და ვალდებულება,  თუ განმარტება არ არის საკმარისი, მოვუწოდებ ენერგეტიკის სამინისტროს, გარემოს სამინისტროს, რომ ნებისმიერ ჰესთან მიმართებაში, განმარტება გააკეთოს",-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ მოსკოვის საჰაერო სივრცის ბლოკადა განაახლა, რის შედეგადაც ოთხივე აეროპორტი მუშაობას წყვეტს

68 წლის შერონ სტოუნმა 34 წლის შემდეგ ხელახლა განასახიერა „ძირითადი ინსტინქტის“ ლეგენდარული სცენა

საფრანგეთში არეულობების შემდეგ Hermès-ი ბუტიკებში უსაფრთხოების ზომებს აძლიერებს

თავის ახალ სამშვიდობო გეგმაში აშშ-მ მოსკოვს შესთავაზა დონბასში დემილიტარიზებული ზონის შექმნა, უკრაინის მიერ ნატოზე უარის თქმა და რუსეთის წინააღმდეგ სანქციების მოხსნა