საქართველოს პრემიერ-მინისტრი ირაკლი ღარიბაშვილი მიიჩნევს, რომ მოსახლეობას არ აინტერესბეს წავა თუ არა პრემიერი პარლამენტში და დაესწრება თუ არა პრეზიდენტის გამოსვლას.

ამის შესახებ ღარიბაშვილმა „ჰოლიდეი ინნ“-ში მედიასთან შეხვედრისას განაცხადა.

მისივე თქმით, პრეზიდენტის გამოსვლას შეიძლება ტელევიზორით მოუსმინოს.

„დღეს, საქართველოს მოსახლეობას არ აინტერესებს პრემიერ-მინისტრი ღარიბაშვილი წავა პარლამენტში, თუ არ წავა. ან მინისტრი გიორგაძე დაესწრება თუ არა პრეზიდენტის გამოსვლას პარლამენტში. ჩვენ რა თქმა უნდა ვუსმენთ ერთმანეთს, მეც მოვუსმენ სიამოვნებით, მაგრამ არ არის აუცილებელი, რომ პარლამენტის შენობაში ვიყო, შეიძლება მოსუვმინო ტელევიზორით. ჩვენ გვაქვს ყველას ჩვენი საქმე და თუ ყველანი გავაკეთებთ კარგად ჩვენს საქმეს, დამერწმუნეთ, რომ ბევრად კარგად იქნება ყველაფერი საქართველოში. ასე, რომ უნდა შევეგუოთ ახალ რეალობას. ეს არ არის უპატივცემულობა სახელმწიფო ინსტიტუტების მიმართ, პირიქით, ჩვენ ვფიქრობთ, რომ ახალი რეალობის დამკვიდრებას უნდა შევუწყოთ ხელი“, - განაცხადა ირაკლი ღარიბაშვილმა.

ცნობისთვის საქართველოს პრეზიდენტი გიორგი მარგველაშვილი პარლამენტის წინაშე ყოველწლიური მოხსენებით 31 მარტს წარსდგება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ მოსკოვის საჰაერო სივრცის ბლოკადა განაახლა, რის შედეგადაც ოთხივე აეროპორტი მუშაობას წყვეტს

68 წლის შერონ სტოუნმა 34 წლის შემდეგ ხელახლა განასახიერა „ძირითადი ინსტინქტის“ ლეგენდარული სცენა

საფრანგეთში არეულობების შემდეგ Hermès-ი ბუტიკებში უსაფრთხოების ზომებს აძლიერებს

თავის ახალ სამშვიდობო გეგმაში აშშ-მ მოსკოვს შესთავაზა დონბასში დემილიტარიზებული ზონის შექმნა, უკრაინის მიერ ნატოზე უარის თქმა და რუსეთის წინააღმდეგ სანქციების მოხსნა