"გაზპრომთან" და არც სხვა კომპანიასთან ნავთობისა და გაზის კორპორაციის 25 % წილის გასხვისებაზე პირდაპირი მოლაპარაკებები არ ყოფილა,- ამის შესახებ ვიცე-პრემიერმა, ენერგეტიკის მინისტრმა კახი კალაძემ ჟურნალისტებს განუცხადა. 

რაც შეეხება, "გაზპრომისა" ხელმძღვანელობასთან შეხვედრას, კალაძემ აღნიშნა, რომ არანაირი გადაწყვეტილება არ მიღებულა. 

"ყოველწლიურად ხდება იმ ხელშეკრულების გაფორმება რომელიც უკვე წლებია, არსებობს. ეს არის ტრანზიტის ხელშეკრულება. კონკრეტულად შინაარს რაც შეეხება, მათი მხრიდან იყო საუბარი იმაზე, რომ ჩვენ გადავიდეთ ფინანსურ ანაზღაურებაზე. ბუნებრივი აირის გატარების საფასურს ჩვენ დღეს ბუნებრივი აირის სახით ვიღებთ, მთლიანი მოცულობის 10%-ს. თუმცა,  ჩვენთვის მათი წინადადება მიუღებელია. ჩვენ გვაქვს ჩვენი მოსაზრებები და ყოველთვის დავიცავთ ქვეყნის ინტერესებს. გადაწყვეტილება შეხვედრაზე მიღებული არ ყოფილა, უშედეგოდ დასრულდა შეხვედრა. მათ აქვთ თავიანთი მოსაზრება, ჩვენ გვაქვს ჩვენი პოზიციები. საკმაოდ მყარად ვდგავართ ჩვენს პოზიციებზე",- აღნიშნა კალაძემ.

როგორც მინისტრმა აღნიშნა, ამ შეხვედრაზე ნავთობისა და გაზის კორპორაციის 25 % წილის გასხვისებაზე არ ყოფილა საუბარი.

"ეს გადაწყვეტილება თუ იქნება მიღებული, მოხდება ბირჟაზე აქციები განთავსება, პროცესი იქნება გამჭირვალე. პირდაპირი მოლაპარაკებები არც ერთ კომპანიასთან, მათ შორის არც "გაზპრომთან" არ ყოფილა",-განმარტა კალაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით