„შექმნილ ვითარებაში, სავალუტო შემოდინებების აღდგენა ერთადერთი წამალი და რეცეპტია“, - ამის შესახებ ეროვნული ბანკის პრეზიდენტმა გიორგი ქადაგიძემ ჟურნალისტებს განუცხადა.

მისივე თქმით, ყველა სხვა ქმედება, რომელსაც ეროვნული ბანკი ახორციელებს შექმნილი ვითარების შერბილებისკენ არის მიმართული.

„ჩვენთვის ძალიან მნიშვნელოვანია, რომ ის ფუნდამენტური ფაქტორები, რომელმაც გავლენა მოახდინა ლარის გაცვლით კურსზე, იქნას აღმოფხვრილი. საჭირო და აუციელებელია, რომ აღდგეს სავალუტო შემოდინებები, რაც არის ერთადერთი წამალი და რეცეპტი ამ სიტუაციაში. დანარჩენი ყველაფერი ეროვნული ბანკის მიერ განხორციელებულ კონტექსტში მიზანმიმართული ქმედებებია, რომ შევარბილოთ იმ პროცესების გავლენა, რაც განვითარდა ბოლო თვეებში“, - განაცხადა გიორგი ქადაგიძემ.

რაც შეეხება ეროვნული ბანკის ქმედებებს, ქადაგიძის განმარტებით, ბანკის მანდატი ფასების სტაბილურობა და ფინანსური სტაბილურობაა.

ქადაგიძის განცხადებით, ორივე ეს მანდატი, როგორც აქამდე, მომავალშიც შესრულებული იქნება.

„მიზნობრივი ინფლაცია, ეს არის ის მთავარი ორიენტირი, რომლის ირგვლივაც მოქმედებს ეროვნული ბანკი მონეტარული პოლიტიკის მიზნების განსაზღვრისას. ჩვენი პოლიტიკა არის სწორი და თანმიმდევრული“, - განაცხადა ქადაგიძემ.

ცნობისთვის, გუშინ, ეკონომიკისა და მდგრადი განვითარების მინისტრმა, გიორგი კვირიკაშვილმა განაცხადა, რომ სავალუტო შემოდინებებს აპრილიდან ელოდება და შემდეგში უკვე ეროვნული ბანკის განსასაზღვრი იქნება ინფლაციის მიზნობრივი მაჩვენებლის მისაღწევად, გაამყარებს ლარს, თუ შეიძენს ჭარბ ვალუტას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან