ტურიზმის ეროვნული ადმინისტრაციის დირექტორის გიორგი ჩოგოვაძის განცხადებით,  ზამთრის კურორტები  ტურისტების მისაღებად მზადაა.

როგორც ჩოგოვაძემ ჟურნალისტებს განუცხადა, ზამთრის პერიოდისთვის მეტი ტურისტის მოსაზიდად, 12 ქვეყანაში მარკეტინგული კამპანიები აწარმოეს:

„ზამთრის კურორტები მზად არის ტურისტების მისაღებად და რაც კიდევ უფრო სასიხარულოა, ის ჯავშნები, რომლებიც ამ სასტუმროებს გააჩნიათ ამ მომენტისათვის, ძალიან პოზიტიურ განწყობას გვიქმნის იმის შესახებ,  რომ ზამთრის ტურისტული სეზონი ძალიან წარმატებული იქნება“,-განაცხადა გიორგი ჩოგოვაძემ და დასძინა, რომ  მომავალ ზამთრის და ზაფხულის მარკეტინგულ კამპანიებზე, რომლებიც სხვადახვა ქვეყნის მიმართულებით განხორციელდება, დაახლოებით 18 მილიონი ლარი დაიხარჯება:

„ძირითადი ბაზრები იქნება როგორც ჩვენი რეგიონის ქვეყნები და ჩვენი მეზობლები, ასევე ევროკავშირის ქვეყნები, ის ქვეყნები, რომლებიც ახლახანს აღმოვაჩინეთ, როგორც ახალი ბაზრები და მნიშვნელოვანი ზრდით გამოირჩევიან, მათ შორის  სპარსეთის ყურის ქვეყნები, რომლებიდანაც საერთოდ არ გვყავდა საქართველოში ტურისტები და წელს იყო რეკორდული რაოდენობა“,-აღნიშნა გიორგი ჩოგოვაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსამართლე მაღალჩინოსნების შეურაცხყოფის ასკ-ის მუხლს საკონსტიტუციოში ასაჩივრებს

ისარგებლეთ საქართველოს ბანკის ქეშბექის შეთავაზებებით ბათუმში

ადვოკატი: შესაძლოა, საქართველოს ყოფილმა თავდაცვის მინისტრმა ყაველაშვილს შეწყალება სთხოვოს

მოსკოვმა, სოხუმმა და ცხინვალმა თბილისიდან „ძალის გამოუყენებლობის გარანტიები“ მოითხოვეს