2016-11-26 17:22:28, 483 ნახვა

---

ქუმსიშვილი: დაწყებულია პროცედურები, რათა 2017 წელს ქვეყანაში წარმოებული პროდუქცია ჩინეთში საბაჟო გადასახადების გარეშე შევიდეს

ფინანსთა მინისტრობის კანდიდატმა დიმიტრი ქუმსიშვილმა პარლამენტში გამოსვლისას ახალ საექსპორტო ბაზრებზე გაამახვილა ყურადღება.

მისი განცხადებით, საქართველოს მთავრობამ უპრეცედენტოდ მოკლე პერიოდში მოახერხა და წარმატებით დაასრულა ჩინეთის მხარესთან მოლაპარაკებები თავისუფალი ვაჭრობის შეთანხმებაზე.

დიმიტრი ქუმსიშვილის განცხადებით, ამჟამად დაწყებულია შიდა სახელმწიფოებრივი პროცედურები, რათა მომავალი წელს საქართველოში წარმოებული პროდუქცია ჩინეთის ბაზარზე საბაჟო გადასახადების გარეშე შევიდეს. მათ შორის, ქართული სასურსათო პროდუქცია და აგრომრეწველობის პროდუქტები - ღვინო, სპირტი და აგრეთვე მინერალური წყლები.

მისივე თქმით, ამ მიმართულებით ძალიან კარგი ტენდენციებია - 2016 წელს საქართველო ჩინეთის ბაზარზე ხუთი მილიონი ბოთლი ქართული ღვინის გაყიდვას ელოდება, საბაჟო მოსაკრებლის (დაახლოებით 42 პროცენტი) გაუქმების შემდეგ კი საქართველოში წარმოებული სპირტიანი სასმელებთან მიმართებაში კარგი კონკურეტული უპირატესობა ექნება.

(NS)

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი