პრეზიდენტი გიზო ჟორდანიას გარდაცვალების გამო მწუხარებას გამოთქვამს

2016-11-20 12:57:40, 996 ნახვა

საზოგადოება

საქართველოს პრეზიდენტი გიორგი მარგველაშვილი რეჟისორ გიზო ჟორდანიას გარდაცვალების გამო მწუხარებას გამოთქვამს.

"ღრმა მწუხარებას გამოვთქვამ რეჟისორ გიზო ჟორდანიას გარდაცვალების გამო.

ბატონი გიზოს მიერ გამორჩეული ხელწერით შექმნილი სპექტაკლები არაერთი თაობის მაყურებელმა შეიყვარა და გაითავისა. ფასდაუდებელია პედაგოგიური ღვაწლი, რომელიც მან ქართული თეატრისა და კინოს ახალი თაობების აღზრდისთვის გასწია. იგი გამორჩეულ ფიგურად დარჩება ქართული თეატრის ისტორიაში.

ამ მძიმე წუთებში ბატონი გიზოს ოჯახთან და ახლობლებთან ერთად ვწუხვარ ამ დიდ დანაკლისს და თანადგომას ვუცხადებ მათ, "-ნათქვამია პრეზიდენტის სამძიმრის წერილში.

ცნობისთვის, ქართველი რეჟისორი, საქართველოს სახალხო არტისტი გიზო ჟორდანია 82 წლის ასაკში გარდაიცვალა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან