პრემიერი: საკონსტიტუციო ცვლილებების მომზადება პირველი რიგის ამოცანა არ არის

2016-11-18 17:38:28, 1474 ნახვა

პოლიტიკა კომენტარი

საქართველოს პრემიერ-მინისტრ გიორგი კვირიკაშვილის განცხადებით, საკონსტიტუციო ცვლილებების მომზადება არ არის პირველი რიგის ამოცანა და ეს დაახლოებით ერთწლიანი პროცესია.

როგორც პრემიერმა აღნიშნა, ამ ფორმატში პრეზიდენტი მნიშვნელოვანი ფიგურა იქნება.

„ვფიქრობ, რომ საკონსტიტუციო ცვლილებების მომზადება არ არის პირველი რიგის ამოცანა. ეს არის ალბათ ერთ წლიანი პროცესი, რომელშიც მაქსიმალური ჩართულობა უნდა იყოს. ბუნებრივია, პრეზიდენტიც ამ ფორმატში იქნება ერთ-ერთი მნიშვნელოვანი ფიგურა. მე ვფიქრობ, რომ საკონსტიტუციო ცვლილებების მომზადების ადგილი ეს არის საქართველოს პარლამენტი, რომელსაც გააჩნია საკანონდმებლო და მათ შორის საკონსტიტუციო ინიციატივის უფლება. არუნდა შეიქმნას შთაბეჭდილება, რომ აქ რაღაც დაპირისპირება ხდება. შევეცდებით მაქსიმალურად კონსტრუქციულად გავაგრძელოთ ის დიალოგი, რომელიც პრეზიდენტთან გვაქვს“, - განაცხადა კვირიკაშვილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან