ერაყში ქორწილის დროს თვითმკვლელმა ტერორისტმა თავი აიფეთქა, რის შედეგადაც სულ მცირე 40 ადამიანი გარდაიცვალა, 60-ზე მეტი კი მძიმედ დაშავდა, - ამის შესახებ aljazeera იუწყება.

მედიის ცნობით, თავდასხმა ქალაქ ფელუჯადან 30 კილომეტრში მდებარე დასახლებაში მოხდა, რომელიც “ისლამური სახელმწიფოს” მებრძოლებისგან 2016 წლის ზაფხულში გაათავსუფლეს.

როგორც მედია საშუალება იტყობინება, თვითმკვლელმა ტერორისტმა დანაღმულ მანქანაში თავი აიფეთქა. აღსანიშნავია, რომ აფეთქება სამართალდამცველის ქორწილში მოხდა.

თავდასხმაზე პასუხისმგებლობა ტერორისტულმა დაჯგუფებამ “ისლამურმა სახელმწიფომ” აიღო.

ცნობისთვის, სამი დღის წინ ფალუჯაში ორი თვითმკვლელი ტერორისტის მიერ განხორციელებულ თავდასხმას 15 ადამიანი ემსხვერპლა. მაშინაც ტერაქტზე პასუხისმგებლობა “ისლამურმა  სახელმწიფომ" აიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო