ევროკომისიის პრეზიდენტის ჟან-კლოდ იუნკერის განცხადებით, დონალდ ტრამპისგან სიცხადეს ისეთ საკითხებში ელოდება, როგორიცაა მსოფლიო ვაჭრობა, კლიმატი, პოლიტიკა და ნატო-ს მოკავშირეებთან მომავალი ურთიერთობები, - ამის შესახებ სააგენტო Reuters-ის იუწყება. 

როგორც იუნკერმა ბერლინში გამართულ პრესკონპერენციაზე განაცხადა, ჩრდილოატლანტიკურ ალიანსთან მიმართებაში აშშ-ის პოზიცია საინტერესოა. 

“ჩვენ გვსურს, ვიცოდეთ, როგორც განვითარდება საქმეები გლობალურ სავაჭრო პოლიტიკასთან დაკავშირებით. გვსურს, ვიცოდეთ, რა განზრახვები აქვს მას ჩრდილოატლანტიკურ ალიანსთან მიმართებაში. ჩვენ უნდა ვიცოდეთ, როგორი კლიმატური პოლიტიკის გატარებას აპირებს ის. ეს უახლოეს თვეებში ცხადი უნდა გახდეს” , - განაცხადა იუნკერმა.

არჩევნებში გამარჯვების შემდეგ ჟან-კლოდ იუნკერმა და დონალდ ტუსკმა, დონალდ ტრამპს მისალოცი წერილი გაუგზავნეს, რომელშიც აშშ-სთან ტრანსატლანტიკური ურთიერთობების გამყარების იმედი გამოთქვეს. აღსანიშნავია, რომ წინასაარჩევნო კამპანიის დროს დონალდ ტრამპი ხშირად აკრიტიკებდა ნატო-ს და აცხადებდა, რომ აშშ-ს ამ ორგანიზაციის დაფინანსება ზედმეტად ძვირი უჯდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო