თბილისში ზემო და ქვემო ფონიჭალის დამაკავშირებელი გზაგამტარი აშენდება

2016-09-27 21:41:51, 1212 ნახვა

საზოგადოება

თბილისში ზემო და ქვემო ფონიჭალის დამაკავშირებელი გზაგამტარი აშენდება.

გზაგამტარის პროექტის პრეზენტაცია ფონიჭალის ახალგაზრდულ ცენტრში გაიმართა. ღონისძიებას თბილისის მერი, დავით ნარმანია ესწრებოდა.

პროექტი, რომელიც კრწანისის გამგეობის დაფინანსებით მომზადდა, ამ ორი უბნის დამაკავშირებელ 5 კილომეტრიან გზას 500 მეტრამდე შეამცირებს.

გამგეობის ცნობით, მოეწყობა საავტომობილო და საფეხმავლო გასასვლელი.

„მშენებლობისთვის შერჩეულია ოპტიმალური ადგილმდებარეობა - გზაგამტარი უკვე არსებულ გზებს ერთმანეთთან დააკავშირებს, ხოლო ღოღობერიძის ქუჩის სანიაღვრე ქსელი ქვემო ფონიჭალაში მდებარე ცენტრალურ კოლექტორს მიუერთდება“, - აცხადებენ კრწანისის გამგეობაში,

მათივე ცნობით, პროექტის ღირებულება, დაახლოებით, 2 მილიონი ლარია.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან