40-მდე მსჯავრდებულს,  სასჯელაღსრულების 7 სხვადასხა დაწესებულებაში, მიკრო ბიზნესის სტატუსი მიენიჭათ.

ამასთან დაკავშირებით შემოსავლების სამსახურის თანამშრომლებმა, 20-23 სექტემბერს, სასჯელაღსრულებისა და პრობაციის სამინისტროს ღონისძიების ფარგლებში, პატიმრებს, დაბეგვრის შეღავათიანი წესის შესახებ, გაეწიათ კონსულტაცია. მსჯავრდებულებს განემარტათ, რომ მინიჭებული სტატუსით, გათავისუფლების შემდგომაც  შეუძლიათ ისარგებლონ.

მსჯავრდებულთა რეგისტრაცია, როგორც გადამხდელ ფიზიკურ პირად, ასევე შემოსავლების სამსახურის ვებგვერდის www.rs.ge - ის მომხმარებლად, მიკრო ბიზნესის სტატუსის მინიჭებამდე განხორციელდა.

მიკრო ბიზნესის სტატუსის მინიჭებით, მსჯავრდებულებს სასჯელაღსრულებისა და პრობაციის სამინისტროს მიერ შექმნილ ონლაინ მაღაზიაში, პენიტენციურ დაწესებულებაში დამზადებული ხელნაკეთი ნივთების რეალიზაციის უფლება მიეცათ. მათ რეალიზაციიდან მიღებულ შემოსავალზე, საშემოსავლო გადასახადის გადახდა არ მოუწევთ.

შემოსავლების სამსახურის უფროსის გადაწყვეტილებით, საქართველოს მთავრობის 2010 წლის 30 მარტის #96 დადგენილების 13 მუხლის საფუძველზე, ბრალდებულები/მსჯავრდებულები გათავისუფლდნენ საგადასახადო ორგანოს მიერ, მიკრო ბიზნესის სატატუსის მინიჭებისათვის,  დამტკიცებული მომსახურების საფასურის გადახდისაგან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება

ელენე ხოშტარია - რეალური ზეწოლის პირობებში ოცნება უკან იხევს

ამირან გამყრელიძე დიუშენის კუნთოვანი დისტროფიით დაავადებული ბავშვების მკურნალობასთან დაკავშირებით რეკომენდაციას ავრცელებს