2016-09-26 10:51:57, 694 ნახვა
საზოგადოება
თსუ-ს რექტორმა სტუდენტებს სწავლის დაწყება საპროტესტო აქციის ფონზე მიულოცა
თსუ-ს რექტორმა გიორგი შარვაშიძემ პირველკურსელებს სასწავლო წლის დაწყება შეძახილების და საპროტესტო აქციის ფონზე მიულოცა.
მან სტუდენტებს უნივერსიტეტში დაუვიწყარი ოთხი წელი უსურვა.
„დაუვიწყარი ფონით მოხდა თქვენი შემობრძანება აკადემიურ სივრცეში. გისურვებთ კარგ სასწავლო წელს, დაუვიწყარი იყოს თქვენს ცხოვრებაში ოთხი წელი“,-აღნიშნა გიორგი შარვაშიძემ.
ამასთან, მან „აუდიტორია 115“-ის სტუდენტებს დიალოგისკენ მოუწოდა და თხოვნით მიმართა პირველ კურსელებს ზეიმი არ ჩაუშალონ.
რექტორის თქმით, უნივერსიტეტის ავტონომია უპირობოა.
გარდა ამისა, შარვაშიძის თქმით, ის აპირებს უნივერსიტეტის ტრადიციები აღადგინოს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
