განახლებული აღმაშენებლის გამზირი ცოტახანში საზეიმოდ გაიხსნება.  გამზირის გახსნის ღონისძიება ბიგ-ბენდის კონცერტით უკვე დაიწყო.  ადგილზე პრემიერ-მინისტრი გიორგი კვირიკაშვილი, დედაქალაქის მერი დავით ნარმანია, მინიტრთა კაბინეტის წევრები  და  საქართველოს მოქალაქეები იმყოფებიან.

 პროექტის - „ახალი ტფილისი“ პირველი ეტაპის ფარგლებში, დავით აღმაშენებლის გამზირის, კერძოდ, აღმაშენებლის მოედნიდან  ზაარბრიუკენის მოედნამდე, მშრალი ხიდისა და ორბელიანის მოედნის რეაბილიტაცია განხორციელდა. აღნიშნულ არეალში, დავით აღმაშენებლის გამზირზე მდებარე 47 საცხოვრებელ სახლს, სადაც უმეტესწილად კულტურული მემკვიდრეობის ძეგლებია,  სრული რეაბილიტაცია, რესტავრაცია-რეკონსტრუქცია ჩაუტარდა. ქუჩაზე მთლიანად შეიცვალა საინჟინრო და საკომუნიკაციო ქსელები, მოეწყო ინფრასტრუქტურა, გამაგრდა და პირვანდელი სახით აღდგა ისტორიული შენობა-ნაგებობები, განახლდა გამზირის იერსახე - საფეხმავლო და სამანქანო სავალი ნაწილის საფარი, მოეწყო გადასასვლელები, მოპირკეთდა ქუჩა, დამონტაჟდა ახალი განათების სისტემა და მანიშნებლები, გამწვანდა ტერიტორია.

პროექტი „ახალი ტფილისის“ პირველი ეტაპი 2016 წლის ბოლომდე დასრულდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა შეზღუდა თევზის პროდუქტების მიწოდება ყველა სომხური საწარმოდან

აშშ ვენესუელას მიწისძვრის შედეგად დაზარალებულთა დასახმარებლად 150 მილიონ დოლარს გამოყოფს

აშშ ამტკიცებს, რომ ჰორმუზის სრუტეში სამოქალაქო კომერციულ გემს ირანულმა დრონმა დაარტყა

დრონებმა რუსეთის ტულის რეგიონში მდებარე „აზოტის“ ქიმიურ ქარხანას შეუტიეს