„ზოგადად, ეთნიკური უმცირესობების მონაწილეობა საზოგადოებრივ-პოლიტიკურ ცხოვრებაში შეზღუდულია“,-ამის შესახებ სახალხო დამცველმა უჩა ნანუაშვილმა ჟურნალისტებს  დღეს გამართულ პრესკონფერენციაზე განუცხადა.

როგორც ნანუაშვილმა აღნიშნა, საზოგადოებაში ეთნიკური უმცირესობების ინტეგრაცია და სახელწმიფო ენის არ ცოდნა სერიოზულ პრობლემას  წარმოადგენს.

„ზოგადად ეთნიკური უმცირესობების მონაწილეობა საზოგადოებრივ-პოლიტიკურ ცხოვრებაში შეზღუდულია. წლებია პრობლემა რჩება და  გამოწვევა კვლავ არსებობს. პრობლემები კვლავ სახეზეა  და ამ მხრივ სერიოზული პროგრესი ჩვენი გადმოსახედიდან  არ ჩანს.  საუბარია იმაზე, რომ მათი მონაწილეობა საზოგადოებრივ-პოლიტიკურ ცხოვრებაში არის საკმაოდ ფრაგმენტული. მათი წარმომადგენლობა უფრო მეტად უნდა იყოს გაზრდილი პარლამენტში, თვითმმართველობის ორგანოებში თუ სხვაგან. ასევე  გამოწვევა უკავშირდება სახელმწიფო ენის არ ცოდნას. ეს საკმაოდ სერიოზულ ბარიერს წარმოშობს. ეთნიკური უმცირესობების ინტეგრაცია არის შეზღუდული, ისინი არ არიან ჩართული ქართულ საინფორმაციო სივრცეში. მათი ინტეგრაცია კვლავ არ მომხდარა ბოლომდე და ეს სერიოზულ პრობლემებს ქმნის“,-განაცხადა ომბუდსმენმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან