ოკუპირებულ ტერიტორიებზე და მათ მიმდებარე რეგიონებში უსაფრთხოების მხრივ სიტუაცია საგანგაშოა და საერთაშორისო თანამეგობრობის მხრიდან საჭიროა მეტი ყურადღება, - ამის შესახებ საქართველოს საგარეო საქმეთა მინისტრის მოადგილემ დავით დონდუამ განაცხადა.

როგორც დონდუამ აღნიშნა, სესიაზე მთავრობის მხრიდან ამ სფეროში წინ გადადგმულ ნაბიჯებზე ისაუბრეს.

„ვისაუბრეთ ბოლო პერიოდში განხორციელებულ ნაბიჯებზე, რომელიც საქართველოს მთავრობამ და პარლამენტმა გადადგა კონფლიქტის მშვიდობიანი მოგვარების მიმართულებით. ვისაუბრეთ არსებულ მექანიზმებზე, კერძოდ, ჟენევის დისკუსიების მიმდინარეობაზე. აღინიშნა, რომ მართალია, ჟენევის მოლაპარაკებებში ჯერ კიდევ უგულვებელყოფილია მთავარი საკითხები, როგორიცაა რუსეთის მიერ ძალის არგამოყენების ვალდებულების აღება, ადგილზე უსაფრთხოების საერთაშორისო მექანიზმების შექმნა და დევნილთა დაბრუნების საკითხები, თუმცაღა ბოლო პერიოდში იყო გარკვეული პოზიტიური განვითარებები. რაუნდები უფრო დინამიკურად მიმდინარეობს, ადგილი არა აქვს ინტენსიურ ჩავარდნებს, საფრთხე არ ემუქრება ფორმატს“, - განაცხადა დონდუამ.

მან პოზიტიურად შეაფასა გალში ინციდენტების პრევენციისა და მათზე რეაგირების მექანიზმის აღდგენა, რომლის ფარგლებშიც მომავალი კვირის განმავლობაში მესამე შეხვედრა გაიმართება.

„ეს ერთგვარად ხელს შეუწყობს ადგილზე უსაფრთხოების მექანიზმის გაუმჯობესებას, თუმცაღა ისიც აღინიშნა, რომ ორივე ოკუპირებულ ტერიტორიაზე და მათ მიმდებარე რეგიონებში უსაფრთხოების მხრივ სიტუაცია საგანგაშოა და მეტი ყურადღება არის საჭირო საერთაშორისო თანამეგობრობის მხრიდან იმისათვის, რომ ელემენტარული ადამიანის უფლებები დაცული იყოს“, - აღნიშნა დავით დონდუამ.

ცნობისთვის, საქართველოს ტერიტორიული მთლიანობის აღდგენისა და სუვერენიტეტის განმტკიცების საკითხებზე დღეს ამბასადორიალის ფარგლებში იმსჯელეს, სადაც პარლამენტის ტერიტორიული მთლიანობის აღდგენის დროებითი კომისიის თავმჯდომარე გიორგი ვოლსკის, შერიგებისა და სამოქალაქო თანასწორობის საკითხებში სახელმწიფო მინისტრის მოადგილეს ქეთევან ციხელაშვილს და სუს-ის უფროსის მოადგილეს ლევან იზორიას მოუსმინეს.

შეგახსენებთ, რომ პარლამენტში ყოველწლიური ამბასადორიალი მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მდგრადი განვითარების ღონისძიება - „მდგრადი ტრანსფორმაცია: ხელოვნური ინტელექტი, ტექნოლოგიები, ბიზნესი და ზეგავლენა“

საქართველოდან ირანის მიმართულებით უპრეცედენტო რაოდენობის ავტომობილის ექსპორტი განხორციელდა

იანვრიდან მოყოლებული, საქართველოში სოციალური დახმარების მიმღებთა რაოდენობა 140 000 ადამიანით შემცირდა

ავტომობილები, ნავთობპროდუქტები, ძვირფასი ლითონები - რას ყიდის საქართველო და საიდან ვყიდით ნავთობს