გერმანია მიიჩნევს, რომ ევროკავშირში თურქეთის გაწევრიანების თაობაზე მოლაპარაკებები უნდა შეჩერდეს

2016-07-23 13:30:17, 1861 ნახვა

მსოფლიო

გერმანიის ფედერალური მთავრობა მიიჩნევს, რომ ევროკავშირში თურქეთის გაწევრიანების თაობაზე მოლაპარაკებები უნდა შეჩერდეს.

მთავრობის ოფიციალური წარმომადგენლის შტეფან ზაიბერტის განცხადებით, ეს აუცილებელია იმ ქმედებების ფონზე, რომელსაც ანკარა სამხედრო გადატრიალების მცდელობის შემდეგ ახორციელებს.

ზაიბერტის თქმით, ამ ეტაპზე მოლაპარაკებების ახალი ეტაპის დაწყება „წარმოუდგენელია“.

შეგახსენებთ, რომ თურქეთში სამხედრო გადატრიალების მცდელობა იყო, რის შედეგადაც 290-ზე მეტი ადამიანი გარდაიცვალა, 1 400-ზე მეტი კი დაშავდა.

აჯანყების შემდეგ თურქეთში ათასობით ადამიანი დაკავეს. თურქეთის პრეზიდენტი სიკვდილით დასჯის კანონის შემოღებას განიხილავს.

ცნობისთვის, ევროკავშირში გაწევრიანების თაობაზე მოლაპარაკებები, თურქეთმა ჯერ კიდევ 11 წლის წინ დაიწყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან