საქართველოს საგარეო საქმეთა მინისტრის მოადგილე დავით ჯალაღანია ფოლადის მწარმოებელი კორეული კომპანიის POSCO პირველ ვიცე-პრეზიდენტს ჯინ-სიკ ჩოის შეხვდა. ამის შესახებ "ექსპრესნიუსს" საგარეო უწყებიდან აცნობეს.

POSCO წარმოადგენს კორეის რესპუბლიკის ერთ-ერთ ყველაზე მსხვილ კომპანიას და მსოფლიოში ფოლადის უმსხვილესი მწარმოებლების ხუთეულში შედის. აღნიშნული კომპანია საქართველოში ულტრა-თანამედროვე ტექნოლოგიებით აღჭურვილი  მეტალურგიული ქარხნის მშენებლობაში 500 მილიონი დოლარის ინვესტიციის განხორციელებით არის დაინტერესებული. 

შეხვედრაზე კორეული კომპანიის წარმომადგენლებმა ქართულ მხარეს გაუზიარეს ინფორმაცია პროექტის წინამოსამზადებელი პროცესის მიმდინარეობის დეტალებისა და სამომავლო გეგმების შესახებ.

შეხვედრაზე აღინიშნა მსგავსი ცნობილი კომპანიის მხრიდან ინვესტიციების განხორციელების მნიშვნელობა, რომელიც ასევე მნიშვნელოვნად შეუწყობს ხელს საქართველოში ფოლადის მწარმოებელი ინდუსტრიის განვითარებას. 

მინისტრის მოადგილე მიესალმა კორეული მხარის დაინტერესებას და პროექტის განხორციელებაში მხარდაჭერა აღუთქვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები