საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ ორგანიზებით, კოლხეთის ეროვნულ პარკში გარემოსდაცვის თემაზე ტრენინგი და დასუფთავების აქცია ჩატარდა. მასში ქალაქ ფოთის  საჯარო სკოლებიდან 14-დან 18 წლამდე ასაკის 15 მოხალისე მონაწილეობდა.

პროექტი - „დაიცავი გარემო“ საქართველოში აშშ-ს საელჩოს დემოკრატიის ხელშეწყობის პროგრამის ფარგლებში დაფინანსდა.

ტრენინგი კოლხეთის ეროვნული პარკის ბუნებრივი რესურსების სპეციალისტმა, მანანა ჩიქოვანმა ჩაატარა, რომლის დასრულების შემდეგ მოხალისეებისთვის  გარემოს დაცვით საკითხებთან დაკავშირებით სახალისო ვიქტორინა გაიმართა. გამარჯვებულებს სერტიფიკატები და წიგნები გადაეცათ. პროექტის დასკვნით ნაწილში კი კოლხეთის ეროვნული პარკში დასუფთავების ერთობლივი აქციაც ჩატარდა.

აღსანიშნავია, რომ აქციის - „დაიცავი გარემო“ -  იდეა ქალაქ ფოთში მცხოვრებ ახალგაზრდებს ეკუთვნით, რომელიც  “იდეიდან ცვლილებამდე“ პროექტის ფარგლებში შეიქმნა. მისი მიზანი  რეგიონებში მცხოვრებ ახალგაზრდებში სამოქალაქო ჩართულობისა და მოხალისეობრივი კულტურის განვითარების ხელშეწყობა, ცხოვრების ჯანსაღი წესის პოპულარიზაციაა.

იუსტიციის სამინისტროს სსიპ „დანაშაულის პრევენციის ცენტრი" სხვადასხვა ახალგაზრდულ პროგრამას ახორციელებს. პროექტი „იდეიდან ცვლილებამდე“  მიმდინარეობს რამდენიმე რეგიონში, რომლის ფარგლებშიც ადგილობრივ ახალგაზრდებს საკუთარი იდეების განხორციელების საშუალება აქვთ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

WSJ: რუსეთის ხელისუფლება სექტემბრის არჩევნების შემდეგ მობილიზაციის საკითხს განიხილავს

მიხეილ სააკაშვილთან დაკავშირებით ნანუკა ჟორჟოლიანის გაყალბებული ციტატა ვრცელდება - მითების დეტექტორი

ბარამიძე – პრეზიდენტ სააკაშვილს თავისი სათქმელი აქვს და რასაც ჩათვლოს საჭიროდ, იმას იტყვის

შვებულებაში გაშვებულ ზარდიაშვილის მოადგილედ ნავთობისა და გაზის ტრანსპორტირების კომპანიის ყოფილი ხელმძღვანელი დანიშნეს