თურქეთში დაღუპულთა რაოდენობამ 60-ს მიაღწია

2016-07-16 09:22:38, 1509 ნახვა

მსოფლიო

თურქეთში დაღუპულთა რაოდენობამ 60-ს მიაღწია, - ამის შესახებ BBC ქვეყნის ადმინისტრაციაზე დაყრდნობით იუწყება.

როგორც მედია საშუალება წერს, მათი უმრავლესობა სამოქალაქო პირები არიან.

ოფიციალური ინფორმაციით, მთელი ღამის განმავლობაში 754 ადამიანი დააკავეს.

პრემიერ-მინისტრის ბინალი ილდირიმის განცხადებით, ამ დროისთვის ვითარება მეტწილად კონტროლს ექვემდებარება.

მან ასევე ბრძანება გასცა ჩამოაგდონ ის სამხედრო ლაინერი, რომელსაც აჯანყებულები იყენებენ.

გარდა ამისა, ამ დრომდე უცნობია გენერალური შტაბის ხელმძღვანელის ადგილსამყოფელი. ვრცელდება ინფორმაცია, რომ იგი ამბოხებულმა სამხედროებმა მძევლად აიყვანეს.

ჯერ უცნობია ვინ ხელმძღვანელობს აჯანყებულ სამხედროებს და რამდენად დიდი მხარდაჭერა აქვს გადატრიალების მცდელობის ორგანიზატორს.

BBC-ის ინფორმაციით, სროლის ხმა მთავარ ქალაქებში პერიოდულად ისმის.

შეგახსენებთ, რომ გუშინ თურქეთში სამხედრო გადატრიალების მცდელობა იყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან