დღეს ბრიუსელში, ჩრდილოატლანტიკური ალიანსის შტაბ-ბინაში ნატო-რუსეთის საბჭოს სხდომა გაიმართება, - ამის შესახებ ინფორმაცია ნატო-ს ვებ-გვერდზეა გამოქვეყნებული.

შეხვედრა ელჩების დონეზე შედგება.

როგორ რუსეთის საგარეო საქმე სამინისტროს ოფიციალურმა წარმომადგენელმა მარია ზახაროვამ განაცხადა, შეხვედრაზე სხვა სამხედრო საკითხებთან ერთად, ნატო-ს მიერ აღმოსავლეთ ფლანგის გაძლიერებას განიხილავენ და ამის შესაძლო შედეგები ევროპული უსაფრთხოებისთვის.

გარდა ამისა, მარია ზახაროვას თქმით, დაგეგმილია ბალტიის ზღვის რეგიონში საავიაციო უსაფრთხოების გაზრდასა და ევროპაში ამერიკული ანტისარაკეტო თავდაცვის სისტემების მშენებლობის შესაძლო რისკებზე მსჯელობა.

დიპლომატები ასევე უკრაინასა და ავღანეთში შექმნილ ვითარებას განიხილავენ.

ცნობისთვის, ვარშავაში გამართული ნატო-ს სამიტის შემდეგ რუსულმა მხარემ განაცხადა, რომ ალიანსისგან სამიტზე მიღებული გადაწყვეტილბების ახსნა განმატებებს ელოდება.

შეგახსენებთ, რომ ნატო-რუსეთის საბჭოს მუშაობა 2014 წლის გაზაფხულზე რუსეთის მიერ ყირიმის ანექსიის გამო შეწყდა. ორწლიანი პაუზის შემდეგ საბჭოს პირველი სხდომა მხოლოდ მიმდინარე წლის აპრილში გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კანადამ და ევროკავშირმა ალიანსის შექმნის შესახებ განაცხადეს

აშშ-ის სასამართლომ ტრამპის ადმინისტრაციას საარჩევნო კომისიის წევრების დაშინება აუკრძალა

პოლონეთის პრემიერ-მინისტრმა საკონსტიტუციო ტრიბუნალთან დაკავშირებულ კონფლიქტზე - კანონის უზენაესობის აღდგენა ჩვენი მოვალეობაა

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა