იუსტიციის სამინისტროს მმართველობის სფეროში მოქმედმა სსიპ „საქართველოს იუსტიციის სასწავლო ცენტრმა“ ახალი პროექტი „სამოქალაქო საზოგადოების გაძლიერება“ დაიწყო. კორბოულში გამართულ ერთ-ერთ ასეთ ტრენინგს იუსტიციის მინისტრი თეა წულუკიანი დაესწრო. სამართლებრივი და პიროვნული განვითარების ტრენინგის გავლა 30 სექტემბრის ჩათვლით საქართველოს 8 რეგიონის 33 სოფელში ნებისმიერ მაცხოვრებელს შეუძლია.

ტრენინგების ჩასატარებლად საზოგადოებრივი ცენტრები გამოიყენება, რომლებიც სოფლად უნიკალურ ინფრასტრუქტურულ შესაძლებლობას იძლევა. დღეს საქართველოში უკვე 34 საზოგადოებრივი ცენტრი მოქმედებს, 35-ე ცენტრს სოფელ არხილოსკალოში იუსტიციის მინისტრი 20 ივლისს გახსნის. ამასთან, სხვადასხვა სოფელში  10 ცენტრის მშენებლობა მიმდინარეობს.

ტრენინგების მიზანი სამოქალაქო საზოგადოების გაძლიერება, რეგიონის მცხოვრებთა სამართლებრივი ცნობიერების ამაღლება და პიროვნული განვითარების ხელშეწყობაა. ტრენინგის დასრულების შემდეგ მონაწილეები მიიღებენ სერტიფიკატებს და შეძლებენ, უკეთ ისარგებლონ საკუთარი უფლებებით და სახელმწიფო სერვისებით, აქტიურად მიიღონ მონაწილეობა სახელმწიფოებრივ და საზოგადოებრივ პროცესებში. 

ტრენინგის მონაწილეები ისაუბრებენ ისეთ თემებზე, როგორიცაა: სამართალი და ადამიანის უფლებები, კონსტიტუციურ ორგანოთა სისტემა და ადგილობრივი თვითმმართველობა, საკუთრების უფლება, სამეწარმეო და საგადასახადო სამართლის საბაზისო ცნებები, რა არის ევროკავშირი, რა არის დისკრიმინაცია, ეფექტიანი კომუნიკაცია, კონფლიქტის მართვა, დროის მართვა, პროექტის მართვა და პროექტის წერა. სწავლების თემატიკა სოფლად მცხოვრებთა ინტერესების და საჭიროების გათვალისწინებით შეირჩა და პრაქტიკული უნარ-ჩვევების გამომუშავებაზეა ორიენტირებული.

იუსტიციისსასწავლო ცენტრის ამ პროგრამაში 1101 პირი ჩაერთო. ტრენინგში მონაწილეობისათვის მათ რეგისტრაცია იუსტიციის სასწავლო ცენტრის ვებგვერდზე უკვე გაიარეს. მათ შორის არის 797 ქალი და 251 მამაკაცი, ასაკი კი 18-იდან 65 წლამდეა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის