მარტვილში, აბაშისწყალში დაკარგულ ორ ადამიანს ეძებენ.

როგორც "ქსპრესნიუსს" შსს-ს საგანგებო სიტუაციების მართვის სააგენტოში განუცხადეს, მათთან შევიდა შეტყობინება, რომ  17 წლის ბიჭი  ხიდიდან გადახტა. ადგილზე მივიდნენ მაშველები და დაიწყეს ძებნა, თუმცა ოჯახის წევრებმა  შსს-სთან შეუთანხმებლად, სამძებრო სამუშაოებში მყვინთავი ჩართეს, რომელიც ასევე გაუჩინარდა.

შესაბამისად, მაშველები ახლა უკვე ორ ადამიანს-17 წლის მოზარდსა და მყვინთავს ეძებენ:

"17 წლის ბიჭი გადახტა ხიდიდან, სავარაუდოდ სწრაფი დინება იყო და წყალმა წაიღო. ამის შესახებ შემოვიდა ჩვენთან შეტყობინება. ჩვენი  მაშველები  ადგილზე ოპერატიულად მივიდნენ. ამის შემდეგ, ჩვენი მუშაობის პარალელურად, ოჯახის წევრებმა ჩართეს მყვინთავი. ოჯახის წევრებისგან გავიგეთ, რომ მყვინთავი გაუჩინარდა და დავიწყეთ მყვინთავის ძებნაც. ორივეს საძიებო-სამაშველო ღონისძიება ახლაც უწყვეტ რეჟიმში  მიმდინარეობს. 40 მაშველია ადგილზე, გარდა ამისა, ბათუმიდან და თბილისიდან დაემატნენ მყვინთავების ჯგუფები",-განუცხადეს "ექსპრესნიუსს" საგანგებო სიტუაციების მართვის სააგენტოში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიგა ფარულავა - ლევან მაჭავარიანს დაუწერეს და დაადებინეს ეს კონკრეტული განცხადება

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება