"სიცოცხლის ხის" ორგანიზებით კონფერენცია "შშმ პირების პრობლემები საქართველოში" გაიმართა

2016-07-06 19:24:27, 747 ნახვა

საზოგადოება

CSR კვირეულის ფარგლებში, "საქართველოს ბანკის" ცენტრალურ ოფისში, თემაზე "შშმ პირების პრობლემები საქართველოში და კორპორაციული სოციალური პასუხისმგებლობის როლი" შეხვედრა გაიმართა, რომელშიც "კორპორაციული სოციალური პასუხისმგებლობის კლუბის" წევრებთან ერთად, მონაწილეობას შშმ პირების პრობლემებზე მომუშავე არასამთავრობო ორგანიზაციებსა და შრომის, ჯანმრთელობისა და სოციალური დაცვის სამინისტროს წარმომადგენლებიც მიირებენ მონაწილეობას.

შეხვედრაზე ძირითადი აქცენტები ბიზნესის მიერ შეზღუდული შესაძლებლობის მქონე პირების დასაქმების პერსპექტივებზე გაკეთდა და იმაზე, თუ რა მდგომარეობაა ამ მიმართულებით დღეს საქართველოში. შშმ პირების ორგანიზაციებმა ისაუბრეს, სხვადასხვა გამოწვევებსა და ასევე უპირატესობაზე, რაც შშმ პირების დასაქმებას ორგანიზაციებში ახლავს თან. ბიზნესკომპანიების წარმომადგენლებმა კი, დამსწრეებს ამ მიმართულებით განხორციელებული სოციალური პროექტების თაობაზე საკუთარი გამოცდილება გაუზიარეს.

"ქვეყნის განვიტარების და სოციალური სამართლიანობის მიღწევისთვის ასეთი მისია გაგვაჩნია. CSR კლუბის ერთ-ერთი პრიორიტეტული მიმართულება იქნება შშმ პირების საკითხებზე მუშაობა, იმისათვის, რომ მაქსიმალურად ხელი შევუწყოთ ბიზნეს ორგანიზაციებს, ამ მიმართულებით უფრო მეტი აქტიურობა გამოიჩინონ. ძალიან საინტერესო შეხვედრა გვქონდა. კარგი პრეზენტაციები ვნახეთ. ვისურვებდი, რომ ბიზნეს კომპანიები დღეს უფრო აქტიურად ყოფილიყვნენ წარმოდგენილები, მაგრამ ამ მიმართულებით მუშაობას კიდევ გავაგრძელებთ. შევეცდებით, რომ უფრო მეტი სოციალური პასუხისმგებლობა იყოს ამ თვალსაზრისით", - განაცხადა "კორპორაციული სოციალური პასუხისმგებლობის კლუბის" ხელმძღვანელმა კახა მაღრაძემ.

"საქართველოს ბანკის" ინიციატივით ფონდი "სიცოცხლის ხე" 2008 წელს დაარსდა. ეს იყო კონფლიქტის დროს დაზარალებულტა დახმარების ფონდი, რომლის შემდეგ ზოგადად სოციალურად აქტუალურ საკითხებზე მუშაობს. 2014 წლიდან ფონდმა ახალი მიმართულება გამოაცხადა, რომელიც შშმ პირების მხარდაჭერას გულისხმობს.

"საქართველოს ბანკის" ამ საკითხთან დაკავშირებით მთელ რიგ აქტივობას ახორციელებს. შემიძლია გამოვყო ერთ-ერთი აქტივობა, რომელიც საბანკო მომსახურებას გულისხმობს. მაგალითად უსინათლო პირებს, ხშირად ექმნებოდათ შეფერხება და მათივე რეკომენდაციებით, მომსახურების პროცედურა გამარტივდა. ახლა უსინათლოებს დამოუკიდებლად სეუძლიათ ხელის მოწერა და მომსახურების მირება. გარდა ამისა, 13 სერვის ცენტრი არის ადაპტირებული შშმ პირებისთვის და ეს პროცესი გაგრძელდება. "საქართველოს ბანკის" თანამშრომლები მოხალისეობრივად ერთვებიან ფონდის პროექტებში რაც მათში ცნობიერების ამაღლებას უწყობს ხელს. ბანკმა 12 პროექტი განახორციელა", - განაცხადა "სიცოცხლის ხის" წარმომადგენელმა, ანა თათულაშვილმა.