ერაყის დედაქალაქ ბაღდადში, ორმაგი აფეთქების შედეგად 165 ადამიანი გარდაიცვალა, 255 კი, მძიმედ დაშავდა, - ამის შესახბე ინფორმაციას BBC ავრცელებს.

როგორც მედიასაშუალება წერს, დაშავებულებს სხვადასხვა სიმძიმის დაზიანებები აღენიშნებათ. სამართალდამცველების ინფორმაციით, დაღუპულთა შორის ბავშვებიც არიან.

BBC-ს ცნობით, აფეთქებები ერაყის დედაქალაქში ძირითადად შიიტი მუსლიმებით დასახლებულ ტერიტორიაზე მოხდა.

დაღუპულთა რიცხვი შესაძლოა გაიზარდოს, რადგან ვარაუდობენ, რომ გარდაცვლილები შენობების ნანგრევებშიც არიან ჩარჩენილები.

თავდასხმა ტერორისტულმა დაჯგუფება „ისლამურმა სახელმწიფომ“ განახორციელა.

ერაყის პრემიერ-მინისტრის ჰაიდერ ალაბადის ინფორმაციით, მომხდარის გამო ქვეყანაში სამდღიანი გლოვაა გამოცხადებული.

შეგახსენებთ, ბაღდადში თავდასხმების სერია მას შემდეგ გახშირდა, რაც ერაყის არმიამ ქალაქები „ისლამური სახელმწიფოს“ მებრძოლებისგან გაათავისუფლა. ბოლო დღეების განმავლობაში ერაყის სამთავრობო არმიამ ტერორისტებისგან სამი სოფელი გაათავისუფლა,.. ოპერაციის შედეგად 29 მებრძოლი გარდაიცვალა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილი ცდილობს, ჩაკლას თავისუფლება - ფედერალისტები ლოხიშვილის პატიმრობაზე

დისტრიბუტორთა ასოციაცია: ნუ ელით ფასების სწრაფ შემცირებას

ტაქსის მძღოლები და კურიერები სამუშაო პირობების გაუმჯობესებას ითხოვენ

საპატრიარქოს ტახტის მოსაყდრე შიომ საპატრიარქოში ოცნების საგარეო მინისტრი, მაკა ბოჭორიშვილი მიიღო