29 ივნისს სასტუმრო ROOMS Hotel Tbilisi-ში ბიზნეს კაფეს რიგით მეხუთე შეხვედრა გაიმართა.

ბიზნეს კაფე საკონსულტაციო და საძიებო კომპანია „ინსორსის“ მიერ ინიცირებული პროექტია, რომელიც პირველივე დღიდან პაშა ბანკის ექსკლუზიური მხარდაჭერით ხორციელდება.

ბიზნეს კაფეს შეხვედრას ტრადიციულად დაესწრნენ სხვადასხვა მსხვილი კომპანიების მაღალი რგოლის მენეჯერები და განიხილეს თემა „ინოვაციების მართვა“, რომელიც სპეციალურად მოწვეულმა სტუმარმა, საქართველოს ეროვნული ბანკის ყოფილმა პრეზიდენტმა, გიორგი ქადაგიძემ წარადგინა. 

ბიზნეს კაფეს პირველი შეხვედრა 2015 წლის ოქტომბერში შედგა. მის მიმართ ინტერესი მნიშვნელოვნად იზრდება, რასაც შეხვედრების ფორმატი და განხილული თემების აქტუალობა განაპირობებს. წლის განმავლობაში ინსორსი და პაშა ბანკი კიდევ სამ შეხვედრას უმასპინძლებენ.

ბიზნეს კაფეს ფორმატის შეხვედრები საქართველოში პირველად ტარდება და ემსახურება ბიზნესის სფეროში მიმდინარე პროცესების და სიახლეების განხილვას. ყოველ შეხვედრას ესწრება საშუალოდ ოცამდე სტუმარი და სპეციალურად მოწვეული მოდერატორი, რომელიც უზრუნველყოფს საკუთარი და დამსწრეთა გამოცდილებების გაზიარებას ერთმანეთთან.

ბიზნეს კაფეს შეხვედრების მოდერატორებს შორის იყვნენ: დავით გოგიჩაიშვილი, ალექსანდრე ჯეჯელავა (ამჟამად საქართველოს განათლების მინისტრი), ანდრო დგებუაძე და პაპუნა ტოლიაშვილი.

შეხვედრებზე განიხილება ისეთი საკითხები, როგორიცაა: „ორგანიზაციული კულტურა“, „ადამიანური რესურსების მართვა“, „მენეჯმენტი 3.0 - ანუ უკუღმა წაკითხული MBA -ს წიგნები“ და „წრიული ორგანიზაციული სტრუქტურები“.

„მსხვილი კომპანიების მაღალი რგოლის მენეჯერებს შორის ბიზნეს კაფეს მიმართ მზარდი ინტერესი, ვფიქრობ, რომ განპირობებულია სპეციალურად მოწვეული მოდერატორებით და ყურადღებით შერჩეული თემებით. გიორგი ქადაგიძის მოსმენა თემაზე „ინოვაციების მართვა“ ცალსახად ძალიან საინტერესო იყო და სტუმრებმა ამჯერადაც გამოხატეს კმაყოფილება შეხვედრაზე დასწრებით. აქვე უნდა ავღნიშნო, რომ კომპანია „ინსორსთან“ პარტნიორობა აღნიშნულ პროექტზე ნამდვილად გამორჩეულად პროდუქტიული და სასიამოვნოა,“ აღნიშნა ანანო ქორქიამ, პაშა ბანკის საზოგადოებასთან ურთიერთობის და მარკეტინგის დეპარტამენტის უფროსმა.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა

$47 000 მოსთხოვა, დაემუქრა მოკვლით – პროკურატურამ გიორგი ფეიქრიშვილს ბრალი წარუდგინა