პირველმა ლედიმ, გერმანიაში ვიზიტის ფარგლებში, განსაკუთრებული საჭიროების მქონე პირთა სპეციალიზირებული ცენტრი LebensOrte მოინახულა.

20 წელზე მეტია ცენტრი ბერლინისა და ბრანდენბურგის ფედერალურ მიწებზე ზედამხედველობის ქვეშ მყოფ საცხოვრებლებზე ზრუნავს და მათი ძალისხმევით, 1990 წლის შემდეგ მსგავსი სახის 100-მდე ზედამხედველობითი საცხოვრებელი შეიქმნა. 

როგორც პირველმა ლედიმ ცენტრის დათვალიერებისას აღნიშნა, საერთო საცხოვრებლებში დიდი ყურადღება ეთმობა ერთიანი სოციალური გარემოს შექმნას, რომელიც იქ მცხოვრები თითოეული ადამიანის პიროვნულ განვითარებას ემსახურება.

მაკა ჩიჩუას განცხადებით, ამ საცხოვრებლებში მცხოვრები ადამიანების დასაქმებისა და ხელშეწყობის მიზნით, მოქმედებს  ეგრეთწოდებული „ორმაგი შიდა პრინციპი", რაც შეზღუდული შესაძლებლობის მქონე პირებისთვის შესაბამისი საქმიანობის შეთავაზებას გულისხმობს, რაც ძალიან მნიშვნელოვანი პროცესია. მათი სხვადასხვა კულტურული თუ თერაპიული განხრით დასაქმება კი ხელს უწყობს მათ საზოგადოებრივ ცხოვრებაში ინტეგრირებას მათი სულიერი და გონებრივი საჭიროებების შესაბამისად.

„სახელმწიფო აქტიურადაა ჩართული დაფინანსების საკითხებში. ისინი აფინანსებენ და შემდეგ იმ ადამიანების ხელშია ფინანსები, რომლებმაც ყველაზე კარგად იციან ამ ადამიანების საჭიროებები. 
მინდა, რომ ეს მოდელი  და მსგავსი ჩართულობა ჩვენც გავიზიაროთ.
სახელმწიფო მაქსიმალურად უნდა იყოს ჩართული ასეთი ტიპის პროგრამებში", - განაცხადა მაკა ჩიჩუამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება

არასრულწლოვანი შვილიშვილი აიძულა, ცოლად გაჰყოლოდა თანასოფლელს - მარნეულში ქალი დააკავეს

ავარია რომელსაც 5 წლის სანი ცეცხლაძის სიცოცხლე ემსხვერპლა - როგორ ავიცილოთ გახშირებული ტრაგედიები

სამხრეთ კორეამ უკრაინა დაადანაშაულა ორი ჩრდილოეთ კორეელი სამხედრო ტყვეების საიდუმლოდ გადაცემის გამჟღავნებაში და ბოდიშის მოხდა მოითხოვა