საქართველოს იუსტიციის მინისტრის თეა წულუკიანის განცხადებით, პროკურატურაში შექმნილი სპეციალური დეპარტემენტი ამ კვირაში ღონისძიებას გამართავს და დახარისხებული საჩივრების, მათი რაობისა და სამომავლო გეგმების შესახებ საზოგადოებას ინფორმაციას მიაწვდის.

მისივე განმარტებით, მოქალაქეთა საჩივრების შესწავლა დღევანდელი მთავრობის პოლიტიკური ნებაა.
მინისტრის ინფორმაციით, საჩივრები რამდენიმე ათეულ ათასობითაა, თუმცა მათი კატეგორიზაცია მოხდა.

„ის, რომ 2012 წლის ოქტომბრიდან პროკურატურაში არა მხოლოდ შემოსული საჩივრების  სისტემატიზაცია, აღრიცხვა, კატეგორიის მიხედვით დახარისხება და შემდგომ მათი შესწავლა მოხდეს, ეს პოლიტიკური გადაწყვეტილებაა, პოლიტიკური ნებაა და სხვაგვარად ვერც იქნება, იმიტომ, რომ 2012 წლის ოქტომბრამდე ბევრ ადამიანს ჩამოართვეს ქონება, ბევრი ადამიანი უკანონოდ იქნა მსჯავდებული და ამაზე მეც ძალინ ბევრს ვმუშაობდი, თუმცა სხვა იდეა და მოდელი გვქონდა შემუშავებული. ეს მაშინ ვერ იქნა გაზიარებული, მაგრამ პოლიტიკური გადაწყვეტილება დღეს მიღებულია, რომ ეს მოხდეს, ოღონდ მოხდეს სხვა ფორმით და ეს ფორმა არის პროკურატურის ორგანოებში შექმნილი სპეციალური დეპარტამენტი, რომელიც როგორც ჩემთვის ცნობილია,  სულ რამდენიმე დღეში, ამ კვირაში, სპეციალურ ღონისძიებას გამართავს, მათ შორის მედიისთვის და დახარისხებული საჩივრების, მათი რაობისა და სამომავლო გეგმების შესახებ ისაუბრებს. საჩივრები რამდენიმე ათეულ ათასობითაა, მაგრამ კატეგორიზაცია მომხდარია. პროკურატურამ ეკონომიკის სამინისტროსთან ერთად მართლაც შთამბეჭდავი სამუშაო ჩაატარა, რის შესახებაც დადგენილ დროს გეცნობებათ“, - განაცხადა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით