თურქეთში საქართველოს კონსული ირაკლი ასაშვილი საქართველოს მოქალაქეებს მოუწოდებს, რომ აეროპორტში ბილეთების გადასაცვლელად რამდენიმე საათით ადრე მივიდნენ.

მისი თქმით, საკონსულო  სტმაბოლის გუბერნიაში გახსნილ საგანგებო შტაბთან მუდმივ კონტაქტზეა.

როგორც ასაშვილმა აღნიშნა, საქართველოს მოქალაქეები არც დაღუპულთა და არც დაშავებულთა სიაში არ არიან.

კონსული საქართველოს მოქალაქეებს მიმართავს, რომ აეროპორტში 3-4 საათით ადრე მივიდნენ, რადგან დიდი რიგებია.

ცნობისთვის, ათათურქის სახელობის საერთაშორისო აეროპორტში მომხდარი ტერაქტის შედეგად გარდაცვლილთა რიცხვი 41-მდე გაიზარდა. მედია საშუალებების ინფორმაციით, 239 ადამიანი დაშავებულია.

შეგახსენებთ, რომ ათათურქის აეროპორტში გუშინ ტერაქტების სერია მოხდა.

სამმა თვითმკვლელმა ტერორისტმა ჯერ “კალაშნიკოვის” ტიპის იარაღიდან გახსნა ცეცხლი, შემდეგ კი თავი აიფეთქა.

ტერაქტზე პასუხისგებლობა ამ დრომდე არავის აუღია, თუმცა თურქეთის ხელისუფლება ვარაუდობს, რომ აეროპორტზე თავდასხმა “ისლამური სახელმწიფოს” მებრძოლებმა განახორციელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამხრეთ კორეამ უკრაინა დაადანაშაულა ორი ჩრდილოეთ კორეელი სამხედრო ტყვეების საიდუმლოდ გადაცემის გამჟღავნებაში და ბოდიშის მოხდა მოითხოვა

ავტოსაგზაო შემთხვევას მოტომრბოლელი, საქართველოს ორგზის ჩემპიონი დავით რობანიშვილი ემსხვერპლა

ალექსანდრ ვუჩიჩმა სერბეთის პრეზიდენტის პოსტი დატოვა

რუსეთის საჰაერო დარტყმების შედეგად ხარკოვში 22 ადამიანი დაშავდა, ხოლო კიევში - ოთხი