2016-06-25 17:40:36, 769 ნახვა
საზოგადოება
პუშკინის ქუჩაზე დღეს საავტომობილო მოძრაობა გადაიკეტება
პუშკინის ქუჩაზე დღეს საავტომობილო მოძრაობა გადაიკეტება, - ამის შესახებ თბილისის მერიის განცხადებაშია აღნიშნული.
„25 ივნისის 22:00 საათიდან 26 ივნისის 18:00 საათამდე, საგზაო სამუშაოების გამო, პუშკინის ქუჩაზე საავტომობილო მოძრაობა გადაიკეტება. აღნიშნულ ქუჩაზე, გზის გაფართოების სამუშაოების გამო, ასფალტის საფარის დაგება მიმდინარეობს.
ორმხრივი მოძრაობა პუშკინის ქუჩაზე აგვისტოს შუა რიცხვებში აღდგება.
თბილისის მერია ბოდიშს გიხდით შეფერხებისთვის“, - ნათქვამია განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
