ევრო 2016-ის ჯგუფური ეტაპი დასრულდა. საფეხბურთო სამყარო მერვედფინალური ეტაპის მოლოდინშია, სადაც განსაკუთრებულ ყურადღებას 28 ივნისს გასამართი მატჩი იწვევს. იმ შეხვედრაში ერთმანეთს იტალიისა და ესპანეთის ეროვნული ნაკრებები დაუპირისპირდებიან.

ქაღალდზე ფავორიტად ესპანეთის ნაკრები ითვლება, თუმცა იტალია ყოველთვის ანგარიშგასაწევ ძალად ითვლებოდა. შესაბამისად ფავორიტიც უშუალოდ მატჩის დროს გამოვლინდება.

გუშინ დარჩენილი ორი ჯგუფის - E და F ჯგუფის შეხვედრები გაიმართა და, შესაბამისად ყველა მერვედფინალური წყვილი გამოვლინდა. გუშინდელ შეხვედრიდან განსაკუთრებულად სანახაობრივი ურუგვაისა და პორტუგალიის დაპირისპირება გამოდგა. ურუგვაელები სამჯერ იგებდნენ, თუმცა სამჯერვე მოახერხა პორტუგალიის გუნდმა ანგარიშის გათანაბრება.

აღსანიშნავია, რომ მსოფლიო ფეხბურთის მეგავარსკვლავმა კრისტიანო რონალდომ ბოლოს და ბოლოს გოლის გატანა მაინც მოახერხა, ამ შეხვედრაში მან დუბლი გაიფორმა. პორტუგალიამ 3 ქულა დააგროვა და ბრძოლას მომდევნო ეტაპზე განაგრძობს. ამავე ჯგუფის მეორე შეხვედრაში ისლანდიამ ავსტრიის დამარცხება შეძლო, ანგარიშით 2-1.

E ჯგუფის შეხვედრებიდან საინტერესო გამოდგა შვედეთისა და ბელგიის მატჩი. მატჩი ბელგიის გამარჯვებით დასრულდა 0-1. ამავე ჯგუფის მეორე შეხვედრაში ირლანდიამ უმოტივაციო იტალია მინიმალური ანგარიშით 1-0 დაამარცხა. ჯგუფში პირველი ადგილზე იტალია გავიდა, ამის მიუხედავად მას მეტოქედ ევროპის მოქმედი ჩემპიონი ესპანეთი ერგო.

მერვედფინალში გასული ნაკრებების სრული ნუსხა ასე გამოიყურება: საფრანგეთი, შვეიცარია, უელსი, ინგლისი, სლოვაკეთი, გერმანია, პოლონეთი, ჩრდ.ირლანდია, ხორვატია, ესპანეთი, იტალია, ბელგია, ირლანდია, უნგრეთი, ისლანდია და პორტუგალია.

ევროპის ჩემპიონატის 1/8-ფინალური შეხვედრები 25, 26 და 27 ივნისს გაიმართება.

25 ივნისს სამი მატჩი იქნება. თბილისის დროით 17:00 საათზე შვეიცარიის ნაკრები პოლონეთს დაუპირისპირდება, 20:00 საათზე - უელსი ჩრდილოეთ ირლანდიას შეხვდება, დღის ბოლო შეხვედრა 23:00 საათზე ხორვატიისა და პორტუგალიის ნაკრებებს შორის გაიმართება.

26 ივნისს ასევე 3 მატჩი ჩატარდება. დღეს, 17:00 საათზე, მასპინძელი საფრანგეთისა და ირლანდიის ნაკრებები გახსნიან, 20:00 საათზე ერთმანეთს გერმანია და სლოვაკეთი დაუპირისპირდებიან, ხოლო 23:00 საათზე დღეს უნგრეთისა და ბელგიის ნაკრებები დახურავენ.

დარჩენილი ორი მატჩი კი 27 ივნისს გაიმართება, სადაც 20:00 საათზე იტალია-ესპანეთი, ხოლო 23:00-ზე - ინგლისი-ისლანდია გაარკვევენ ურთიერთობას.

ცნობისთვის, ევროპის ჩემპიონატმა სტარტი 10 ივნისს აიღო და 10 ივლისს ფინალური შეხვედრით დაიხურება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის

ზურაბიშვილი: ევროკომისიას ვთხოვ, დიუშენის დისტროფიით დაავადებული ბავშვების მშობლებისთვის დახმარება გამოყოს

საგამოძიებო სიუჟეტის შემდეგ ჟურნალისტი გურამ როგავა გამოკითხვაზე დაიბარეს