სისხლის სამართლისა და საარჩევნო კოდექსში შესატანი ცვლილებები საქართველოს პარლამენტმა პირველი მოსმენით მიიღო. ცვლილების მიზანი წინასაარჩევნო კამპანიისა და არჩევნების მიმდინარეობისას ძალადობის პრევენციაა.

ცვლილებებს მხარი 79 დეპუტატმა დაუჭირა, წინააღმდეგი ხმა არავის მიუცია.  

ცვლილებების მიხედვით, სისხლის სამართლის კოდექსს ემატება ახალი – 162 მუხლი, რომლის მიხედვითაც, კინჭისყრის შენობაში, კომისიის განთავსების ადგილას ან მათ მიმდებარე ტერიტორიაზე ან წინასაარჩევნო კამპანიის ღონოსძიებების დროს ძალადობა, რომელსაც არ მოჰყოლია ჯანმრთელობის განზრახ მსუბუქი დაზიანება, დაისჯება ჯარიმით ან თავისუფლების აღკვეთით ორ წლამდე ვადით.

ძალადობრივი ქმედება, რომელსაც მოჰყვა პირის ჯანმრთელობის განზრახ მსუბუქი დაზიანება, დაისჯება ჯარიმით ან თავისუფლების აღკვეთით 3 წლამდე ვადით. ხოლო, თუ  იგივე ქმედება ჩადენილი იქნება ჯგუფურად, სასჯელის ზომა იქნება 2– დან 5 წლამდე თავისუფლების აღკვეთა.

ცვლილებები ასევე ითვალისწინებს საარევნო უბნის პერიმეტრზე საარჩევნო კომისიის თავმჯდომარის მოთხოვნის გარეშე პოლიციის ყოფნას და არა საკუთრივ კერნჭისყრის შენობაში, თუ კი ადგილი ექნება საზოგადოებრივი წესრიგის დარღვევას. 

ცვლილებების ინიციატორი იუსტიციის სამინისტროა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება