დოლართან მიმართებაში ლარის კურსის მკვეთრ დაცემაში საპანიკო არაფერია, - ასე აფასებს "ექსპრესნიუსთან" საუბრისას არასამათავრობო ორგანიზაცია "საზოგადოება და ბანკების" თავმჯდომარე გიორგი კეპულაძე ეროვნული ვალუტის გაუფასურებას.

ის ვარაუდობს, რომ ლარი გამყარებას ისევ დაიწყებს. მისი აზრით, ამაში თავის როლს სეზონური ფაქტორი - ტურისტთა ნაკადის გაზრდა და ეკონომიკური აქტივობა იქონიებს, თუმცა მიიჩნევს, რომ კონკრეტული პროგნოზის გაკეთება ძალიან რთულია.

კეპულაძე ლარის კურსის გაუფასურების რამდენიმე ფაქტორს ასახელებს, მათ შორის ერთ-ერთი მთავარი მსოფლიო ბაზარზე დოლარის კურსის გამყარებაა.

"ლარის კურსის დაცემის კონკრეტული მიზეზი ამ ეტაპისთვის უცნობია. მაკროეკონომიკური პარამეტრები არა მგონია, რომ განსაკუთრებულად შეცვლილიყო. წინა პერიოდში სებ-მა დიდი რაოდენობით დოლარი შეიძინა და რეზერვები შეავსო.
ერთ-ერთი ფაქტორი შესაძლოა ის იყოს ის, რომ ბოლო პერიოდში დოლარი სხვა ვალუტებთან მიმართებაში მკვეთრად გამყარდა. ვფიქრობ, რომ გაუფასურების მომენტი მცურავ გაცვლით კურსს ახასიათებს. შესაბამისად, ვფიქრობ რომ ეს დროებითი მოვლენაა, გამყარების ტენდენაცია მაინც შენარჩუნდება. მკვეთრ გაუარესებაში საპანიკო არაფერია. ჩემი აზრით, სეზონური ფაქტორი თავის ზეგავლენას მოახდენს, ვგულისხმობ ტურისტთა ნაკადის გაზრდასა და ეკონომიკურ აქტივობას. თუმცა კონკრეტული პროგნოზების გაკეთებისგან თავს შევიკავებ. 
ერთ-ერთი ფაქტორი შეიძლება იყოს ის, რომ ლარი რაღაც ეტაპზე მკვეთრად გამყარდა. შესაძლებელია მას ახალი წონასწორობის წერტილის პოვნა სჭირდება. როგორი იქნება ეს წერტილი, დღეს ამის თქმა ძალიან რთულია", - აცხადებს გიორგი კეპულაძე. 

მისივე თქმით, სებ-ის მიერ სავალუტო აუქციონზე დოლარის შეძენა ეროვნული ვალუტის გაუფასურებასთან პირდაპირ კავშირში არ არის. 

"როდესაც სებ-ი სავალუტო აუქციონზე ყიდულობს დოლარს, ამით ის აჩერებს ლარის მკვეთრ გამყარებას. რეალურად, შესაძლებელია გამყარება უკეთესი შეიძლებოდა ყოფილიყო, თუმცა ამ გაუფასურებასთან პირდაპირი კავშირი არ აქვს იმას, რომ ვთქვათ ერთი კვირის წინ ეროვნულმა ბანკმა რამდენიმე მილიონი დოლარი შეიძინა. ეს დროებითი გაუფასურება მგონია", - განუცხადა "ექსპრესნიუსს" გიორგი კეპულაძემ. 

შეგახსენებთ, ბოლო სამი დღის განმავლობაში ეროვნული ვალუტა დოლართან მიმართებაში 9 პუნქტით გაუფასურდა. დღეს 1 დოლარის შეძენა 2.21 ლარად არის შესაძლებელია, მაშინ როდესაც 3 დღის წინ 1 დოლარი 2.12 ლარი ღირდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა