საფრანგეთში დაჯგუფება „ისლამური სახელმწიფოს“ მხარდამჭერმა პოლიციელი და მისი მეუღლე საკუთარ სახლში მოკლა, - ამის შესახებ Reuters იუწყება. 

მედიის ცნობით, პარიზთან მდებარე დასახლებულ პუნქტ მანიანვილში დანით შეიარაღებული მამაკაცი, შეძახილებით „ალაჰ აკბარ“ პოლიციის ოფიცერს მის სახლთან თავს დაესხა  და მოკლა. პოლიციელი მას შემდეგ გარდაიცვალა, რაც თავდამსხმელმა მუცლის არეში დანით ჭრილობა ცხრაჯერ მიაყენა.

ამის შემდეგ მან პოლიციელის მეუღლე და 3 წლის ბავშვი მძევლად აიყვანა.

როგორც Reuters წერს, ადგილზე მისულმა სამართალდამცველებმა თავდამსხმელთან მოლაპარაკებები დაიწყეს, რა დროსაც მან დაადასტურა, რომ ტერორისტული დაჯგუფება „ისლამური სახელმწიფოს“ წევრია.

სახლის შტურმისას სამართალდამცველებმა ტერორისტი მოკლეს. წინასწარი ინფორმაციით, პოლიციელის მეუღლე გარდაიცვალა.

მომხდარის გამოძიება პარიზის პროკურატურის ანტიტერორისტულმა განყოფილებამ უკვე დაიწყო.

მანიანვილში მომხდარ მოვლენებთან დაკავშირებით დღეს საფრანგეთის პრეზიდენტი ფრანსუა ოლანდი საგანგებო შეხვედრას გამართავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კანადამ და ევროკავშირმა ალიანსის შექმნის შესახებ განაცხადეს

აშშ-ის სასამართლომ ტრამპის ადმინისტრაციას საარჩევნო კომისიის წევრების დაშინება აუკრძალა

პოლონეთის პრემიერ-მინისტრმა საკონსტიტუციო ტრიბუნალთან დაკავშირებულ კონფლიქტზე - კანონის უზენაესობის აღდგენა ჩვენი მოვალეობაა

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა