„რია ნოვოსტი“: აფხაზეთში რუსი სამხედროებისთვის უბანი აშენდება

2016-06-13 11:54:26, 1566 ნახვა

მსოფლიო

აფხაზეთში, რუსი სამხედროებისთვის და მათი ოჯახებისთვის, 19 ახალი სახლი აშენდება. საუბარია, დაახლოებით ათას სამხედრო მოსამსახურეზე.

აღნიშნულ ინფორმაციას რუსული საინფორმაციო სააგენტო „რია-ნოვოსტი“ ავრცელებს.

"ქალაქ გუდაუთაში აშენებულ ორსართულიან სახლებში განთავსდება დაახლოებით ათასი სამხედრო პირი და მათი ოჯახის წევრები. საცხოვრებელი სახლები აღჭურვილი იქნება პირველადი მოხმარების ტექნიკით, მათ შორის ელექტრო-ღუმელებით, ტელევიზორებით და მაცივრებით", - ვკითხულობთ სააგენტოს ინფორმაციაში.

გარდა ამისა, ბინები აღჭურვილი იქნება ავეჯით, მაგიდებით, სკამებით და კარადებით.

გარდა ამისა, როგორც საინფორმაციო სააგენტო წერს, სამხედროების უბანში აშენდება სკოლა, რომელიც გათვლილი იქნება 200 ბავშვზე და 150 ბავშვზე გათვლილი ბაღი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან