2016-06-13 11:25:27, 714 ნახვა
საზოგადოება
209 დევნილ ოჯახს საცხოვრებელი ფართი საკუთრებაში გადაეცემა
საქართველოს მთავრობა იძულებით გადაადგილებულ 209 ოჯახს საცხოვრებელ ფართს მუდმივ საკუთრებაში გადასცემს.
როგორც საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე განაცხადა, 2012 წლიდან დღემდე, მუდმივი საცხოვრებლით უზრუნველყოფილია თითქმის 12 ათასი ოჯახი.
„ეს ჯამში უკვე 11 854 ოჯახია და ეს პროცესი გაგრძელდება. ეს არის ჩვენი მოვალეობა და ძალიან მნიშვნელოვანია, როცა ამ ადამიანებს სტაბილურად მუდმივი საცხოვრებელი ექნებათ", - განაცხადა პრემიერ-მინისტრმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
