საკონდიტრო პროდუქციის მწარმოებელმა კომპანია „ბროტმაისტერმა“ თბილისში პირველი პურ-ფუნთუშეულის მაღაზია და თანამედროვე ავსტრიული  საცხობი-კაფეტერია გახსნა.

პირველი ფილიალი თაქთაქიშვილის ქ. 7/9-ში მდებარეობს, სადაც მომხმარებელს პურთან ერთად  ავსტრიული კერძების დაგემოვნებაც შეეძლება.

„ეს იქნება კაფე, რომლის უმთავრესი დანიშნულებაა  საშუალება მისცეს მომხმარებლებს გასინჯონ „ბროტმაისტერის“ პროდუქცია საუზმეზე და ლანჩზე, რათა მათ მომავალში გაუადვილდეთ საყვარელი პროდუქტის შერჩევა სახლთან ახლოს მდებარე მაღაზიაში“, - აცხადებენ „ბროტმაისტერში.

როგორც საწარმოს  გენერალურმა მენეჯერმა დავით შანიძემ აღნიშნა, ავსტრიელი პარტნიორების დახმარებით, მუდმივად იზრუნებენ, რომ მომხმარებელისთვის  ნამდვილი პური შექმნან.

 „ჩვენი ამოსავალი წერტილი ჯანსაღი, ნამდვილი პურია და ჩვენი ავსტრიელი პარტნიორების დახმარებით მუდმივად ვიზრუნებთ, რომ მომხმარებლებისთვის ჯანსაღი და გემრიელი ნამდვილი პური შევქმნათ“, - განაცხადა დავით შანიძემ.

უახლესი ევროპული საცხობი დანადგარებით აღჭურვილი საწარმო სამთავრობო პროგრამის „აწარმოე საქართველოში“ დახმარებით გაიხსნა. შპს „ბროტმაისტერი“, ავსტრიელ პარტნიორებთან ერთად, ავსტრიული პურ-ფუნთუშეულისა და საკონდიტრო პროდუქციის წარმოებაზე ორიენტირებული კომპანიაა.

პირველი მაღაზიის გახსნას მალევე მოყვება სპეციალიზირებული პურ-ფუნთუშეულის მაღაზიათა ქსელი თბილისის სხვადასხვა უბანში. ქსელის შესაქმნელად დაგეგმილია 7-8 ფილიალის გახსნა წლის ბოლომდე. ეს იქნება მაღაზიათა ერთადერთი ქსელი, რომელიც იზრუნებს ნამდვილი პურის კულტურის დამკვიდრებაზე.

აღსანიშნია, რომ ბრენდი „ბროტმაისტერი“ მთლიანად ქართულია, მაგრამ დაფუძნებულია ავსტრიული ცხობის ტექნოლოგიასა და მასალებზე. ბრენდინგის სრულყოფილი პროცესის დაფინანსება ნაწილობრივ უზრუნველყო ევროპის რეკონსტრუქციისა და განვითარების ბანკის (EBRD) ბიზნეს საკონსულტაციო მომსახურების პროგრამა (ბას) საქართველომ, ხოლო ბრენდინგის პროექტი სტრატეგიული ბრენდინგის სააგენტო LIVE - მა განახორციელა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა