პოლკოვნიკ ბესიკ ქუთათელაძის სახელობის საჩხერის სამთო მომზადების სკოლაში ზაფხულის საბაზისო კურსის დასკვნითი ფაზა მიმდინარეობს. საქართველოსა და აშშ-ის ორმხრივი შეთანხმების საფუძველზე ზაფხულის საბაზისო კურსზე აშშ-ის რეზერვის ოფიცრის მომზადების კორპუსის 33 კადეტია მოწვეული.

ზაფხულის საბაზისო კურსი 3-კვირიან მომზადებას მოიცავს და 10 ივნისს დასრულდება. კურსის განმავლობაში ამერიკელი კადეტები სამთო-ტექნიკურ უნარ-ჩვევებს დახვეწენ. მსმენელები მთასა და მაღალ მთაში გადაადგილების პრინციპებს, სამთო აღჭურვილობის მოხმარების წესებს, ასევე, დაბრკოლების ზოლის გადალახვას, კლდიდან დაშვებას,  ექსტრემალურ პირობებში პირველადი დახმარების აღმოჩენასა და ევაკუაციის ორგანიზებას სწავლობენ.

სწავლების ბოლოს აშშ-ის რეზერვის ოფიცრის მომზადების კორპუსის კადეტები კომპლექსურ და ფიზიკურ ტესტს ჩააბარებენ. ტესტირების წარმატებით გავლის შემთხვევაში კურსდამთავრებულებს   სერტიფიკატები და სამკერდე ნიშნები გადაეცემათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა