თავდაცვის სამინისტროს  ევროკავშირის საგარეო ქმედებათა სამსახურის, კრიზისების მართვისა და დაგეგმვის დირექტორატის ხელმძღვანელი  ესტუმრა. გაბორ იკლოდს თავდაცვის მინისტრის მოადგილემ, ანა დოლიძემ უმასპინძლა. შეხვედრას საქართველოს შეიარაღებული ძალების გენერალური შტაბის უფროსის პირველი მოადგილე,  პოლკოვნიკი ომარ ბეგოიძე დაესწრო. საუბრის მთავარი თემა  ევროკავშირის თავდაცვისა და უსაფრთხოების ერთიან სისტემაში საქართველოს ჩართულობა იყო.  

გაბორ იკლოდმა ქართულ მხარეს ევროკავშირის მისიებში მონაწილეობისთვის მადლობა  გადაუხადა, საქართველო  ღირსეულ, მნიშვნელოვან   პარტნიორად შეაფასა და ქართველი სამხედრო მოსამსახურეების წვლილი ხაზგასმით აღნიშნა.
თავდაცვის მინისტრის მოადგილემ კი, სხვა საკითხებთან ერთად, სტუმრებისგან გამოცდილების გაზიარების მნიშვნელობაზე  გაამახვილა ყურადღება.

 „საქართველოს სურვილია, მაქსიმალურად აქტიურად იყოს წარმოდგენილი ევროპის ერთიან თავდაცვისა და უსაფრთხოების პოლიტიკის ფარგლებში დაგეგმილ აქტივობებში.  მოგეხსენებათ,  საქართველოს სურს,  იყოს აქტიური წევრი მსოფლიო  უსაფრთხოების არქიტექტურისა. ამის ერთ-ერთი უმნიშვნელოვანესი ნაწილი არის, სწორედ, ევროპის უსაფრთხოებისა და თავდაცვის პოლიტიკა. ჩვენ ვმონაწილეობთ მრავალ მისიაში ამ ფორმატში,  მაგრამ, გვაქვს სურვილი და დღევანდელი შევეხდრაც ამ საკითხს ეძღვნებოდა, რომ გამოვიყენოთ ბევრი სხვა მექანიზმი, რომელსაც  ეს პოლიტიკა გვთავაზობს  ჩვენი საბოლოო მიზნის მისაღწევად - ევროპის კავშირში გაწევრიანებისა და ევროპასთან დაახლოების  რეალიზაციისათვის“, - განაცხადა ანა დოლიძემ.

თავდაცვის სამინისტროში გამართულ შეხვედრაზე  სტუმრები  ცენტრალური აფრიკის რესპუბლიკაში საგამოძიებო ჯგუფის გამგზავრებითა და მიმდინარე გამოძიებით დაინტერესდნენ, აღნიშნეს, რომ, ამ თვალსაზრისით, საქართველოს ხელისუფლება სამაგალითოდ მოიქცა.

შეხვედრაზე ასევე ისაუბრეს რეგიონში არსებულ უსაფრთხოების გარემოზე,  სირიაში მიმდინარე მოვლენების საქართველოზე გავლენისა და  მნიშვნელოვანი გამოწვევების შესახებ.

დღეს თავდაცვის სამინისტროს თანამონაწილეობით  ევროპის თავდაცვისა და უსაფრთხოების პოლიტიკის (CSDP)  საორიენტაციო კურსი გაიხსნა, რომელშიც ევროპის სხვადასხვა ქვეყნების წარმომადგენელი საჯარო პირები მონაწილეობენ.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა