საქართველოს პრემიერ-მინისტრ გიორგი კვირიკაშვილის განცხადებით, მიმდინარე წლის 5 თვეში საერთაშორისო მოგზაურთა და ტურისტების რაოდენობის რეკორდული ზრდა აღინიშნა. 

როგორც კვირიკაშვილმა მთავრობის სხდომაზე განაცხადა, 2016 წლის მაისის თვის მონაცემებით, საერთაშორისო მოგზაურების რაოდენობა 14.9%-ითაა გაზრდილი.

„ხოლო ტუროსტების, ანუ მათი, ვინც 24 საათი და მეტი რჩება საქართველოში  24.3%-ით ზრდაა. ეს ძალიან მნიშვნელოვანი პოზიტიური მაჩვენებელია  ტრადიციული ვიზიტორი ქვეყნებიდან, ჩვენი მეზობელი ქვეყნების გარდა, მნიშვნელოვანი ზრდა აღინიშნება ევროკავშირის ქვეყნებიდანაც, რაც ვფიქრობთ, რომ  დადებითი მაჩვენებელია.

საერთაშორისო მოგზაურების ზრდა დაფიქსირდა 5 თვის  მონაცემებითაც და 15.3% შეადგინა, ხოლო ტურიზმიდან შემოსავალმა  2015 წლის ჯამური მონაცემებით,  1.94 მლრდ დოლარი შეადგინა და ზრდა   8.3%  იყო, რაც 149 მლნ დოლარით მეტია წინა წლის ანლოგიურ მაჩვენებელთან  შედარებით. ასევე იზრდება ტურიზმის წილი მთლიან შიდა პროდუქტში და 16.2%-ით გაიზარდა  2015 წელს ტურიზმის წილი მთლიან შიდა პროდუქტში და თითქმის 6.8% შეადგინა, მაგრამ პოტენციალი კიდევ უფრო მეტია“,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მდგრადი განვითარების ღონისძიება - „მდგრადი ტრანსფორმაცია: ხელოვნური ინტელექტი, ტექნოლოგიები, ბიზნესი და ზეგავლენა“

საქართველოდან ირანის მიმართულებით უპრეცედენტო რაოდენობის ავტომობილის ექსპორტი განხორციელდა

იანვრიდან მოყოლებული, საქართველოში სოციალური დახმარების მიმღებთა რაოდენობა 140 000 ადამიანით შემცირდა

ავტომობილები, ნავთობპროდუქტები, ძვირფასი ლითონები - რას ყიდის საქართველო და საიდან ვყიდით ნავთობს