იუსტიციის სახლის 400-მდე სერვისით სარგებლობა უკვე ბორჯომელებსაც შეეძლებათ. იუსტიციის სახლის რიგით მეჩვიდმეტე ფილიალს ბორჯომში იუსტიციის მინისტრი თეა წულუკიანი გახსნის.
 
ბორჯომის იუსტიციის სახლი მომხმარებელს იუსტიციის სახლებისათვის დამახასიათებელ უმაღლესი ხარისხის მომსახურებას შესთავაზებს. სახელმწიფო და კერძო სექტორის სერვისების მიღება ბორჯომშიც მინიმალურ დროსა და კომფორტულ გარემოში იქნება შესაძლებელი.
 
ბორჯომის იუსტიციის სახლის გახსნის საზეიმო ღონისძიება საღამოს 19:00 საათიდან დაიწყება. ოფიციალურ სტუმრებთან ერთად ცერემონიალზე დასწრება ყველა ბორჯომელსა და ქალაქის სტუმარს შეუძლია. დღესასწაულში მონაწილეობის მსურველთ შთამბეჭდავი საზეიმო პროგრამა ელით: მიმდებარე ტერიტორია ყვავილების ინსტალაციით მოირთვება, დაგეგმილია კონცერტი თბილისის „ბიგ-ბენდისა" და ცნობილი შემსრულებლების მონაწილეობით; გაიმართება სპეციალური ღონისძიებები ბავშვებისათვის. საღამოს ულამაზესი ფოიერვერკი დაასრულებს.

ბორჯომის იუსტიციის სახლის 800 კვადრატულ მეტრს მოიცავს და ცენტრალური პარკის მთავარ შესასვლელთან მდებარეობს. მისი მშენებლობა ტენდერით შერჩეულმა კომპანია „ორნამენტმა" განახორციელა.

ბორჯომის იუსტიციის სახლი ბოლო ორი წლის განმავლობაში აშენებული მეხუთე ფილიალია. 2014 წლიდან დღემდე უკვე აშენდა და გაიხსნა ზუგდიდის, ფოთის, თიანეთისა და ყაზბეგის იუსტიციის სახლები.  მშენებლობა მიმდინარე წლის ბოლომდე დაგეგმილია საქართველოს კიდევ 3 ქალაქში − ონში, ახალქალაქსა და ლაგოდეხში.  
 
იუსტიციის სახლის გახსნის ღონისძიებას ბორჯომში დაესწრებიან საკანონმდებლო და აღმასრულებელი ხელისუფლების, თვითმმართველობის წევრები; დიპლომატიური კორპუსის, საერთაშორისო მისიების, ბიზნესსექტორისა და არასამთავრობო ორგანიზაციების წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს